掃呢頁CODE去手機

2016年11月2日 星期三

《殺人犯》魔童讀Band 1俾同學仔Cap圖 13歲譚真一:我靚仔過城城 __,魔童,郭富城,城城,王維基,

《殺人犯》魔童讀Band1俾同學仔Cap圖 13歲譚真一:我靚仔過城城【《蘋果》專訪】童星譚真一有一段時間被人叫「一哥」,點解?因為他在09年的電影《殺人犯》中飾演不老症殺人犯,當中一句經典對白「我又諗起你老婆喇!」令人毛骨悚然。如今一仔已經是個13歲的中二生,並成功考入Band1學校。鏡頭以外,一仔是個陽光大男孩,喜歡踢足球、打遊戲機,更成為校內風頭躉,問他與郭富城邊個較靚仔?童言無忌的一仔笑說 ...


《殺人犯》魔童讀Band 1俾同學仔Cap圖 13歲譚真一:我靚仔過城城

【《蘋果》專訪】童星譚真一有一段時間被人叫「一哥」,點解?因為他在09年的電影《殺人犯》中飾演不老症殺人犯,當中一句經典對白「我又諗起你老婆喇!」令人毛骨悚然。如今一仔已經是個13歲的中二生,並成功考入Band 1學校。鏡頭以外,一仔是個陽光大男孩,喜歡踢足球、打遊戲機,更成為校內風頭躉,問他與郭富城邊個較靚仔?童言無忌的一仔笑說:「我靚仔啲。」



■自認靚仔過城城的13歲童星譚真一,現正於Band 1學校讀中二,閒時最愛踢足球、打機。攝影:仇志德



■譚真一在電影《殺人犯》中演不老症殺人犯,奸樣令人毛骨悚然。劇照



■譚媽媽透露當年曾為一仔被城城拖落水一幕,在現場擔心到喊。



■唔少人都好驚一仔呢個奸樣,但譚媽媽就覺得囝囝呢個樣好cute cute。

譚真一4歲便開始拍電影、電視劇,電影《殺人犯》可說是他的代表作,但原來一仔從未看過這部電影,他解釋說:「我好細膽㗎!夜晚出廳熄燈都要秒速衝返入房㗎!套戲叫《殺人犯》,你聽個名都覺得恐怖啦,我只係睇過少少,冇試過睇晒套戲。不過我就唔驚郭富城,因為佢戲外都對我好好。」問誰較靚仔?一仔笑說:「我靚仔啲。」他還自爆有學姐主動搭訕,怕怕醜醜謂:「其實都冇乜特別,佢哋小息嗰陣,喺小食部見到我,走過嚟問我係咪拍過咩咩咩咁啫。」問到當時有甚麼感覺?他抵死地說:「去得小食部就梗係肚餓啦,答完咪繼續買嘢食囉。」



■張cap圖有聲!



■又係呢個奸樣!一仔啲戲無退步喎!



■雖然戲入面俾郭富城追殺,但譚真一話無因為咁而驚咗城城,因為佢話城城戲外好錫佢㗎!

想做搞笑角色不少人覺得一仔扮殺人犯樣子奸險,嚇親好多人,但譚媽媽反而覺得囝囝當時樣子好可愛,她說:「當年睇完戲,都聽到好多人話佢個樣得人驚,又話想打佢,但我就覺得阿一個樣好cute!冇人教過佢做戲,當時係我讀劇本畀佢聽,4歲人仔可以做到嗰啲表情,都好叻啦。」提到戲中郭富城拉一仔落水一幕,譚媽媽透露在現場驚到喊:「佢哋有蛙人嗰啲喺水底stand by,但係作為一個媽媽,喺現場睇到真係會驚,我喺現場有喊出嚟。」

一仔的童年幾乎都在拍攝中度過,譚媽媽自覺令兒子失去正常小朋友生活,所以一仔升中學之後,曾跟譚媽媽表示希望將校園生活放第一位,遇合適劇本才接拍。問現在最想演甚麼角色?一仔說:「希望演啲cute同搞笑嘅,因為有時同學都會喺我面前講番(殺人犯)啲對白,俾人聽到好核突,唔想拍啲俾人笑嘅嘢,一陣又cap圖send番畀我。」



■譚真一同媽媽感情非常好。

「開心最緊要」一仔現於一間Band 1中學讀書,但有別於一般中學生,不需要上補習班,亦不需要為爭取好成績而狂操試卷。問到對囝囝有甚麼期望?譚媽媽說:「只要佢鍾意就冇所謂,如果我逼佢一定要做經理,但根本唔得嘅……」此時鬼馬的一仔搶說:「酒樓經理呀,我幫你追個餸!」譚媽媽直言不想逼得太緊,她說:「強迫咪盞嗌交,佢都大個仔嘞,知道自己乜時間要做啲乜,總之佢又唔好騷擾我煲劇,我又唔騷擾佢打機,咁就very good喇!我剩係要求佢及格,可能你會覺得蝕咗成績好好嘅分數,但換來佢開心會好啲,喺我心目中,佢開心係最緊要!」

採訪:譚倩宜、盧妹

攝影:仇志德、馮峰、卓振輝



■譚媽媽強調不會逼兒子上補習班,只希望他有快樂人生。



■無論鏡頭前定鏡頭後,一仔同媽媽都好有默契。


鍾意就快D Share啦!