網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年11月7日 星期一

何韻詩潮爸》男拔教杜汶澤錫到依家 麻辣教師:校長校工全部唔鍾意佢 __,何韻詩,杜汶澤,

女歌手何韻詩父親,70歲的何德星(菇爹),又名「麻辣教師」,於1970-1988任教拔萃男書院美術。不少名人出自他門下,政界有陳維安,演藝界有杜汶澤。他聲如洪鐘,精神奕奕,「寸」足兩小時仍然樂此不疲,不減當年他教書時的威風,是位幽默趣致的潮爸。「我做老師係睇中薪高糧準,當年讀完一個中文大學平面設計校外課程,有兩個選擇:平面設計師,得五百蚊人工,做學徒,被人打到傻;教書,我就可以打學生,人工仲要九百 ...




其他影片:>>






女歌手何韻詩父親,70歲的何德星(菇爹),又名「麻辣教師」,於1970-1988任教拔萃男書院美術。不少名人出自他門下,政界有陳維安,演藝界有杜汶澤。他聲如洪鐘,精神奕奕,「寸」足兩小時仍然樂此不疲,不減當年他教書時的威風,是位幽默趣致的潮爸。

「我做老師係睇中薪高糧準,當年讀完一個中文大學平面設計校外課程,有兩個選擇:平面設計師,得五百蚊人工,做學徒,被人打到傻;教書,我就可以打學生,人工仲要九百九十蚊!當年我讀設計時係尖子,如果我做平面設計,肯定叻過名設計師靳埭强!我有幾叻?八八年退休前我有層全海景,一千八百八十八呎嘅樓喺筆架山,而家好值錢!但嗰時怕九七香港會變天,移民加拿大,以九百幾蚊一呎賣咗。」

「我教書好寸好粗魯,有藤條同一米長木呎,會打學生。我係飛『斧』隊, 有學生曳,我一個斧頭就飛埋去!當然,我唔會飛中佢。試過有個𡃁仔違規留長頭髪,我當住全班面剪佢頭髮,全班同學怕爛手掌,得佢一個唔開心。第二日,佢帶埋阿媽嚟學校,校長召見我,我心諗:『踩屎!仲唔係玩過火要炒魷魚?!』點知佢媽一見到我就話:『何老師,好多謝你!』」

「學校支持你,家長都支持你,老師咪可以放心去教育學生囉!嗰次係有些少侮辱性,過咗位嘅,但以前上堂,粗魯啲學生都接受你。你鬧完佢,佢仲要多謝你。我唔鍾意你,我鬧都唔鬧,做咩要管你?雖然上堂可以玩得好癲,但課室裏我一定唔爆粗,因為咁係尊重。最多會話⋯⋯你個『惠康!』鬧人『百佳』太明顯,明唔明?」

「我自己讀書時,全校老師都唔鍾意我,因為太寸。可能因為咁,我特別鍾意啲好寸好曳嘅學生,例如杜汶澤。佢係我半個仔,初中三年,佢一放學跟我返屋企補習,因為成日同阿媽嘈。呢個衰仔,上至校長,下至掃地校工,全部都唔鍾意佢,因為佢目中無人。

佢而家都係咁『屎忽鬼』,但無所謂,因為佢真係叻。有一年佢因為無交功課,差啲被踢出校,我為咗保佢,同校長理論。我唔想佢無書讀去做爛鬼,入黑社會,而且教育係有教無類。終於佢讀完中五,結論呢?都係做衰仔。不過錯咗唔緊要,改就可以,佢而家好錫阿媽,好尊重我。」

撰文:關卓凌

攝影:葉漢華

攝錄:胡智堅


來源 source: http://s.nextmedia.com
鍾意就快D Share啦!