藝人江欣燕日前遇上電話騙徒，收到聲稱是入境處電話，欣欣接受《東網》訪問時說：「有一日接到電話，話寄咗信畀我，問我有沒有收到，話我嘅資料被盜用，要同我核實資料，跟住轉駁電話畀上海公安局嘅林警司，好似真嘅一樣。」
江媽媽醒過佢
江欣燕同「林警司」對話一輪後，被要求上上海公安局網頁，不過剛搬屋嘅江欣燕未安裝好上網，冇wifi上不到網頁，結果「林警司」要求提供其他聯絡方法，江欣燕留下WeChat，而收線之後，江媽媽話咁似電話騙案手法，江欣燕才如夢初醒，立刻跟返電話記錄回電，結果該5字頭電話係未有手戶登記，問到江欣燕有否損失？她苦笑說：「損失咗時間同良心。」
騙徒話騙徒都有好人
江欣燕表示識破是電騙後，已報警求助，今次有驚無險，江欣燕卻弄出笑話，話說佢報警之後透過WhatsApp 聯絡騙徒「林警司」，表明已報警及勸告對方收手，豈料「林警司」回應江欣燕話佢打錯字，回頭是「岸」不是「回頭是案」，仲向江欣燕訴苦，話做騙徒係因為被威脅。
「林警司」更大膽到要求同江欣燕做朋友，對娛樂圈好好奇，又話知道江欣燕同前夫嘅事，最離奇嘅，係「林警司」居然話做「佢哋嘅圈子都有好人」，跟住不停傳WhatsApp畀江欣燕，問點解唔覆佢，又讚江欣燕靚女、美魔女，認真搞笑。
報警打擊罪案
江欣燕又說，去警署報案係希望打擊犯罪集團，「警方唔聽我嘅故仔，我諗住提供啲WhatsApp 、WeChat短訊畀佢哋，佢哋話手頭上太多呢啲案件，損失好嚴重嘅亦好多好多，其實身邊真係好多朋友遇過呢啲事件，警方話其實呢啲係好大嘅集團，連個電話號碼都係假。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
