2016年11月13日 星期日

【獨家訪問】高舉小金人!成龍感謝阿嬌 __,阿嬌,成龍,鍾欣潼,

成龍違背太太林鳳嬌要求,在台上公開感謝。國際影星成龍於美國加州《奧斯卡州長頒獎禮》(GovernorsAwards)獲頒「終身成就獎」殊榮,獲奧斯卡金像影帝湯漢斯(TomHanks)、史泰龍(SylvesterStallone)、《火拼時速》(RushHours)系列電影拍檔ChrisTucker、楊紫瓊(Michelle)、王力宏及周華健等老友撐場,於Chris手中接過「小金人」的成龍表現興奮, ...


成龍違背太太林鳳嬌要求,在台上公開感謝。

國際影星成龍於美國加州《奧斯卡州長頒獎禮》(Governors Awards)獲頒「終身成就獎」殊榮,獲奧斯卡金像影帝湯漢斯(Tom Hanks)、史泰龍(Sylvester Stallone)、《火拼時速》(Rush Hours)系列電影拍檔Chris Tucker、楊紫瓊(Michelle)、王力宏及周華健等老友撐場,於Chris手中接過「小金人」的成龍表現興奮,還忍不住親吻獎座!行程匆匆的他,即趕往機場乘私人飛機飛往大陸拍攝電《機器之血》,他於臨上機前接受《東網》獨家訪問。

台上高呼太太英文名

雖然大會指定出席男士要戴上黑色煲呔,但成龍最終卻以「黃飛鴻」造型的唐裝衫亮相頒獎禮,他透露為代表整個中國人的形象,故挑選了唐裝中最隆重的長衫作為戰衣,才未有戴上黑煲呔。談到於頒獎台上的一番話,成龍謂:「我有多謝太太同個仔,成家班、多謝香港呢個了不起嘅城市,多謝中國令我更強壯,好驕傲成為中國人,多謝荷里活教咗我好多嘢,令我成名,亦多謝全世界粉絲支持我繼續拍好電影。」更指太太林鳳嬌非常高興,但太太事前卻向他要求不要在頒獎台說她的名字,不過成龍仍按捺不住要公開感謝家人,他謂:「我咪講阿嬌英文名『Joan』囉!哈哈!」

傾《火拼時速》第四輯

成龍坦言即使已離開頒獎台,但心情亦未能平伏,他謂:「我係用平淡嘅心去面對呢個獎,但都唔知點解咁緊張,頭先聽Tom Hanks、Michelle同Chris介紹我,個心情唔識得點形容,係好開心,到之後自己出場講嘢,因為都冇準備台詞,隨心而發去講,前半節都ok,講到一半就個腦一片空白,好亂,唔知自己仲想講啲乜,好彩最後都叫做ok!」席間,成龍更遇上不少荷里活好友,亦有趁機敍舊,當中還與《火拼時速》系列導演畢特烈納傾談該系第四輯的故事內容。

問到他會把「小金人」放在哪裏收藏?成龍笑謂:「依家都諗緊,又想擺喺自己博物館,又想擺公司,一係就公司、屋企、博物館度度擺吓,一個地方一個月囉!(返香港再慶祝?)唔會因為真係要趕住開工,之後一直都忙,今晚就要飛走都冇時間留低同啲老友再傾耐啲!」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...