組合Magic Gals成員劉芷盈（Mizer）身材勻稱，而且皮膚白淨，令一眾女士十分羨慕！但她則自爆原來自小已被「怪病」纏繞，眼睛敏感的她一被陽光或紫外線曬住，雙眼就會不斷流眼水及不能擘大，她苦笑謂：「朋友都問我係咪殭屍嚟，點解望陽光就好似想死，所以基本上我屋企窗簾都係長期拉埋，朋友同屋企人上到嚟都問做咩日光日白拉埋窗簾，以為我怕曬親，但其實係唔拉窗簾我對眼就會擘唔大。（睇過醫生？）冇，但有問過醫生朋友，話我對眼可能係屬於敏感刺激性，同埋淚腺可能比較發達，所以畀陽光曬就會不斷想喊。」儘管如此，但仍無阻她跟陽光玩遊戲：「我以前想曬到有古銅色肌膚，試過成個暑假不停咁曬三個月，但最後發現膚色根本唔靚，好似曬到污糟咗咁，同埋一星期都唔夠已經全部白番哂。」
最想同星爺秋生合作
工作方面，除了專注音樂事業外，Mizer亦曾參與不少電影演出，包括《喜愛夜蒲3》、《江湖悲劇》等，問到拍戲方面想挑戰甚麼？她表示：「當然想做番main啲嘅角色，同埋想拍笑片，睇完星爺（周星馳）套《美人魚》後覺得好正，希望有機會演呢類戲，其實喜劇好難演，就算本身個人好有喜劇感，但都要用深層演技先可以令觀眾都笑，好有挑戰性。（想同星爺合作？）嘩，呢個係夢寐以求，係夢想！」除了星爺外，她亦希望能跟影帝黃秋生合作：「佢係非常有內涵同才華嘅人，同埋演技太厲害！（怕唔怕秋生惡？）唔會，如果做足本份，前輩係睇得出有用心，有啲人都話星爺好惡，但如果有機會合作會盡力做。」
底線唔露點
講到拍戲接受到的性感程度，Mizer表示：「三點式，床上戲嘅話適量嘅性感都ok，其實有時性感係睇感覺，性感得嚟感覺正面係ok，但如果性感得嚟係低俗或意淫就唔得。（如果睇感覺嘅話，接受到半裸甚至全裸？）我底線係唔露點，例如半裸但露背脊都ok。（如果要露埋pat呢？）真係要睇劇情需要，露得嚟係非常靚或好有感覺我可以接受。（如果套戲係同星爺或秋生合作呢？）好啦，係ok嘅。（肯全裸？）肯露pat pat，因為我身材唔係咁好，全裸都冇咩睇。」
Profile
姓名：劉芷盈（Mizer）
年齡：27
身高：1米66
體重：102磅
三圍：33C-24-33
興趣：打羽毛球、跳舞、潛水
簡介：入行前曾做空姐，之後入行做model，現為魔術跳唱組合Magic Gals成員
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
