2016年11月8日 星期二

【網購出事】媽媽用家怒轟網站會員賣假貨 創會會員陳倩揚:已全面下架 __,倩揚,陳倩揚,

因為喺fb爆seed暗寸無綫而被叮出《東張》主持行列嘅「靚太港姐」陳倩揚,今年8月喺無聲無息嘅清況下,離開無綫。(新聞連結:http://bit.ly/2ekVZBj)回復自由身嘅陳倩揚,最近同一班創業媽媽成立咗一個叫「香港地創業媽」,擔任副主席嘅倩揚,希望結集一班香港媽媽,幫助佢哋擴展事業版圖,令大家夢想成真。本來呢個計劃都好成功,啱啱喺萬聖節搞咗個party,除咗有BBQ之外,現場仲設計咗三間 ...


因為喺fb爆seed暗寸無綫而被叮出《東張》主持行列嘅「靚太港姐」陳倩揚,今年8月喺無聲無息嘅清況下,離開無綫。(新聞連結:http://bit.ly/2ekVZBj)回復自由身嘅陳倩揚,最近同一班創業媽媽成立咗一個叫「香港地創業媽」,擔任副主席嘅倩揚,希望結集一班香港媽媽,幫助佢哋擴展事業版圖,令大家夢想成真。本來呢個計劃都好成功,啱啱喺萬聖節搞咗個party,除咗有BBQ之外,現場仲設計咗三間五感遊戲屋兼50多檔市集同工作坊、舞台表演、嘩鬼大巡遊與及巨型跳彈床等,嗰陣反應都唔錯,不過本報接獲多位媽咪級讀者爆料,話有好多媽咪喺網店買到假貨,呢個網店嘅店主仲係媽媽創業會其中兩位幹事。日前《蘋果》向讀者查詢,佢話:「呢兩位幹事有啲貨係淘寶貨,一個就係假嘢扮真嘢,另一個假嘢扮係自己手工車,呢個人仲上埋雜誌。而嗰個假嘢當真嘢買嘅幹事,啱啱仲俾官方證實佢係買嘢,但係呢個人堅稱自己係買真嘢。其實有多媽媽都受害。」佢仲話有好多媽咪喺官方fb留言講呢件事。與此同時,有另一個讀者莫小姐亦向本報證實呢件事,佢話:「其實呢件事已經進展到聯絡咗啲正貨品牌,證實呢啲網店係買假嘢,有啲媽咪仲向海關舉報。我哋都有inbox陳倩揚,問佢點明知佢哋買假嘢,唔單止俾佢加入,兼仲俾佢哋做幹事,不過陳倩揚一直都冇覆,所以大家都諗唔到乜嘢辦法可以做。」呢個讀者話之後有再搵陳倩揚,不過佢冇回覆,直到周五佢喺創業媽嘅fb專頁,貼咗一張類似聲明嘅相,話因為佢哋唔係對創業媽媽作監管或規管嘅社團或機構,所以個別機構或媽媽嘅營商手法及歴史同佢哋社團無關。事後《蘋果》向陳倩揚了解,佢透過whatsapp話:「首先要講返清楚嘅係香港地創業媽係一個為創業媽媽提供支援嘅平台,聚小成多團結媽媽力量,並非一個商業買賣組織/平台,當中唔會牽涉個別品牌嘅利益,本會只是一個平台,義務性質為全港創業媽媽提供一個可以發揮所長的機會,參與其中嘅媽媽都係義務幫手,大家互撐。」對於讀者嘅投訴,陳倩揚話:「我哋會認真並正視問題,由現時開始將暫時停止與該會員的合作。希望各創業媽媽能遵守會規,不會做出有損組織/其他成員聲譽之事。」佢仲話:「有關讀者已知悉此乃個別事件,與組織其他媽媽無關,並會為早前網上嘅言論負責,組織成立初期,本住互撐嘅精神,一步一步行到今日,當中有需要完善嘅細節,我哋會逐一努力進步,希望可以幫到更多媽媽追夢圓夢。」


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...