網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年11月13日 星期日

情侶檔出騷!伍允龍劉佩玥似足結婚 __,劉佩玥,伍允龍,

唔講以為佢哋結婚呀!藝人劉佩玥(Moon)及伍允龍(Philip)首次以情侶檔出席商場活動,Philip西裝Look現身,而阿Moon就穿上晚裝,加上大會安排一班男女老幼市民上台齊齊影大合照,令現場格局恍如「伍劉聯婚」!阿Moon笑Philip唔要面受訪時,阿Moon向緋聞男友撒嬌說:「Philip好煩呀,成日講嘢窒我,佢唔可以咁快表露真性情,雖然佢係幽默。(情侶檔酬勞好啲?)都開心嘅,有工作就開 ...


唔講以為佢哋結婚呀!

藝人劉佩玥(Moon)及伍允龍(Philip)首次以情侶檔出席商場活動,Philip西裝Look現身,而阿Moon就穿上晚裝,加上大會安排一班男女老幼市民上台齊齊影大合照,令現場格局恍如「伍劉聯婚」!

阿Moon笑Philip唔要面

受訪時,阿Moon向緋聞男友撒嬌說:「Philip好煩呀,成日講嘢窒我,佢唔可以咁快表露真性情,雖然佢係幽默。(情侶檔酬勞好啲?)都開心嘅,有工作就開心,而且同舊拍檔、好朋友合作就開心。(約Philip慶祝聖誕?)我諗緊搞唔搞大party。(搞二人party?)兩個人唔係party啦,應該唔會,我哋都有common friends啦,我依家諗緊party請邊個。(請Philip?)佢咁唔要面話要嚟,咁都會邀請佢嘅。」

Philip身體很誠實!

Philip受訪期間,無視鏡頭所在,經常將身體側向阿Moon,身體語言已經出賣了他!他說:「第一次同阿Moon情侶檔出席活動,好開心,其實每次合作都開心,我哋少見咗,計埋之前我返香港,今日係第二次見,上次喺街度撞到佢,我奇怪點解有個女仔戴面具咁似阿Moon嘅!(戴面具?)我中文差咗,應該係口罩,佢話佢鼻敏感。」

問到Philip是否已欣賞了阿Moon在無綫劇《幕後玩家》中,與黃宗澤的纏綿戲?Philip似畀說話阿Moon聽,他說:「場戲我唔敢睇。(怕自己會呷醋?)怕佢做得太好,我雖然冇睇,但都相信佢做得好嘅,係呢?呢種戲其實係要點做?」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!