【新增影片】
「我識甘比十幾年，佢從來冇要求我買任何禮物，或要錢嘅，反而呂麗君就用不同嘅藉口嚟攞錢，攞極都唔夠。」大劉劉鑾雄今午於高士美道大宅接受《蘋果》訪問時稱，他在聲明中稱「呂小姐」(呂麗君)從其身上所得之餽贈已逾20億，但其實不止此數，因為此20億，並不包括大劉所贈的遊艇及物業，對於外界指大劉贈遊艇畀呂麗君並非屬實，所有遊艇均係公司名下。大劉稱，呂麗君與子女同住嘅白加道31號獨立屋，亦係大劉名下；而白建時道12號大宅本來是大劉名下，後嚟轉予大仔劉鳴煒所有，至於大劉贈予與呂麗君所生嘅囡囡秀盈之巨型藍鑽石及紅寶石，並將之命名為「The Zoe Diamond」及「Zoe Red」，現時大劉待為保管，大劉想等囡囡秀盈成年後，先畀囡囡。訪問中，大劉說:「我成日都講，你就算俾100億佢，佢為1蚊去出賣我；你俾多1蚊，就算你俾5毫子，佢都會為5毫、1蚊出賣我，你就算俾100億、200億，冇用嘅，佢永遠貪得無厭。」大劉表示，與呂麗君一起十多年，予之不少餽贈，但女方就「好識計數」。大劉舉例，以前上福臨門，大劉著呂麗君俾兩三千蚊貼士予侍應，「佢返屋企問我拎番。」、「一分錢都計得好清楚。」大劉又稱，一次試過「扮窮」、稱想問對方借5,000萬美金，大劉稱:「佢話得，但要寫借據。其實啲錢都係我俾佢，佢真係好識計數。」
來源 source: http://s.nextmedia.com
|
鍾意就快D Share啦！
|
|
|
