掃呢頁CODE去手機

2016年11月24日 星期四

買幾億Hermès有排數!大劉, 呂麗君 __,大劉,劉鑾雄,

Nuts哥未見過恐龍,到底恐龍皮有幾厚?(資料圖片)我Nuts哥相識滿天下,個個哥前哥後咁叫,唔係我扮大佬或者我靚仔,而係無論係對住大人物或清潔阿姐,都係以禮待人。我成日記住呢句:「得人恩果千年記!」不過呢,有人就施人恩惠萬年數,牛頭角順嫂都嫌煩啦,真係人唔厭狗都吠!邊個?咪又係大劉囉!係咪換咗腎零舍腎水足中氣好嘅呢?佢噚日又發聲,話呂麗君喺佢眼中係百分百蠢人,面皮厚過恐龍皮。嘩!連史前動物恐龍都 ...




其他影片:>>






Nuts哥未見過恐龍,到底恐龍皮有幾厚?(資料圖片)

我Nuts哥相識滿天下,個個哥前哥後咁叫,唔係我扮大佬或者我靚仔,而係無論係對住大人物或清潔阿姐,都係以禮待人。我成日記住呢句:「得人恩果千年記!」不過呢, 有人就施人恩惠萬年數,牛頭角順嫂都嫌煩啦,真係人唔厭狗都吠!邊個?咪又係大劉囉!係咪換咗腎零舍腎水足中氣好嘅呢?佢噚日又發聲,話呂麗君喺佢眼中係百分百蠢人,面皮厚過恐龍皮。嘩!連史前動物恐龍都搬出嚟講,我唔係原始人,冇見過恐龍,只係睇過《侏羅紀公園》咋!恐龍皮係咪咁厚,我唔知,我只知有人面皮都好厚自揭家醜!

因為有人話大劉收番晒曾經送畀呂麗君嘅Hermès袋,所以大劉又嚟料,誇口話淨係買袋都用咗幾億,送畀呂麗君嘅Hermès都超過200個,又話曾經向呂麗君送過嘅現金加珠寶都超過20億,仲爆埋話女方霸佔佢屋企個古董櫃用嚟放袋喎!大劉話從來冇回收Hermès,如果有就絕子絕孫!其實大劉都唔係第一次咁講,每次肉緊就攞啲子子孫孫嚟發誓,佢啲子孫認真多得佢唔少囉!

辣埋哎吔外父

講完子孫都唔夠喉,仲辣埋昔日嘅哎吔外父、即係呂麗君個老竇度,爆佢有兩頭住家,收咗自己加拿大同灣仔兩層樓!大家都係男人,有幾多頭住家心照係咪咁冇品數埋人哋啲私隱出嚟呢?話送過層樓畀呂麗君阿媽嘅大劉,又數埋呂麗君阿哥要借十皮嘢,話呂麗君咁有米,自己唔借要問佢借!嘩!老老嫩嫩冚家數,真係全家福祿壽!

噴晒口水話買Hermès都使幾億,即係話畀人聽,呢幾億猶如碎銀散紙,嘩,唔使咁晒命嘛?咁同啲內地土豪吓吓攞成座山嘅人仔出嚟晒冷,有咩分別?再講,女方都係將個Hermès珍而重之放喺古董櫃啫,唔通同啲地拖掃把一齊放喺雜物室咩?其實單嘢係咩人啱,讀者同網民真係好心水清,大劉仲話如果呂麗君再屈佢,就會放深水炸彈出嚟喎!呢個深水炸彈係乜,我就唔知嘞!我只係知日日自揭肚皮,日日放個「深水笑彈」出嚟囉!


來源 source: http://hk.on.cc
鍾意就快D Share啦!