2016年11月3日 星期四

【刪晒IG微博】同無綫有經理人約 成年冇工開 許亦妮淡出娛圈? __,許亦妮,無綫,

喺大台曾經有一個人,係香港小姐季軍兼最上鏡小姐,電視、電影都有拍,身材又好,講緊嘅就係許亦妮喇,但大家又有冇發現,近幾年好似冇乜點見過佢呢?對上一套佢有份拍嘅劇,已經係今年播、但舊年拍嘅《潮流教主》,之後都冇見過許亦妮喇。電影都一樣,喺前年拍完電影《喜愛夜蒲3》之後,就冇拍過其他戲;而出席活動方面,最後一次就係舊年6月,佢出席《潮流教主》開鏡現身,嗰次之後,佢就冇再公開現身。當時就有傳過許亦妮因為 ...




其他影片:>>






喺大台曾經有一個人,係香港小姐季軍兼最上鏡小姐,電視、電影都有拍,身材又好,講緊嘅就係許亦妮喇,但大家又有冇發現,近幾年好似冇乜點見過佢呢?對上一套佢有份拍嘅劇,已經係今年播、但舊年拍嘅《潮流教主》,之後都冇見過許亦妮喇。電影都一樣,喺前年拍完電影《喜愛夜蒲3》之後,就冇拍過其他戲;而出席活動方面,最後一次就係舊年6月,佢出席《潮流教主》開鏡現身,嗰次之後,佢就冇再公開現身。當時就有傳過許亦妮因為同大台傾續約時獅子開大口,要求加薪4倍而遭無綫雪藏,連帶佢有份做嘅第2輯《街頭魔法王》都被飛出局,改由吳若希頂上,之後吳若希就把握到機會上位,連續做咗第3、4輯嘅助手。雖然公開場合見唔到佢,但佢喺Instagram同微博等社交平台都好活躍,不過都係曾經嘅事喇,微博對一次嘅po,已經係8月15號,Ig最一次貼相,都係55個星期前,做咩突然又冇嘢做又咁低調呢?其實許亦妮o依家仲同大台有約,但點解冇劇又冇工開呢?據知因為許亦妮嘅人緣其實幾差、態度又唔好,之前拍劇嘅時候,監製覺得佢唔聽話,喺大台冇背景,自自然然就冇人搵佢做嘢,慢慢就自己流失。雖然活動就唔見許亦妮,但係緋聞就成日都發生,好似喺今年5月,就影到佢當場睇住男朋友同另一個女仔激吻,事後佢就話嗰位唔係佢男朋友。經常見到許亦妮都會係啲緋聞咁,不過知情人指,其實許亦妮喺入行前,大癲大肺同埋係神婆一名,成日都會講星座,但入行之後就成日被人話佢姣,出嚟嘅新聞都係講緋聞,所以慢慢就好有戒心。《蘋果》都有搵過許亦妮,問到佢點解咁耐唔更新Ig同微博,不過佢就已讀不回,未來都唔覺佢有咩工作,會唔會有想淡出娛圈呢?

許亦妮不時喺社交網站貼上更新近況,仲大方晒事業線。 許亦妮今年「出山」去捧黎明場
許亦妮拍完《喜愛夜蒲3》後,就冇再接拍電影。(劇照) 許亦妮男友被發現喺夜場攬第二個女仔。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...