網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年11月21日 星期一

【獨家】ig貼圖念亡妻 司馬燕老公凸腩拖女友遊銅鑼灣 __,司馬燕,

喺2015年因為癌症病逝世嘅司馬燕,喺佢離開差唔多一年,老公吳忠義(Togi)被指同內地爆奶小三孫君子(Summer)暗交5年,事後Togi發聲明澄清兩人冇發展婚外情,大家喺15年5月才交往,但短短4個月已閃分。佢仲話對事件引起家人不安,更對摯愛亡妻嘅聲譽造成傷害,深感遺憾!(新聞連結:http://bit.ly/2g1KZdu)極速撇清同Summer關係嘅Togi,冇耐又搵到第二春,被影到同長髮 ...




其他影片:>>






喺2015年因為癌症病逝世嘅司馬燕,喺佢離開差唔多一年,老公吳忠義(Togi)被指同內地爆奶小三孫君子(Summer)暗交5年,事後Togi發聲明澄清兩人冇發展婚外情,大家喺15年5月才交往,但短短4個月已閃分。佢仲話對事件引起家人不安,更對摯愛亡妻嘅聲譽造成傷害,深感遺憾!(新聞連結:http://bit.ly/2g1KZdu)極速撇清同Summer關係嘅Togi,冇耐又搵到第二春,被影到同長髮女Beth C.酒吧短敍談情,其後Togi接受本報訪問就話:「呢個係我happy hour時間,係私人生活,唔想多談解釋。」之後佢仲話女方係無辜,而自已想過私人生活,似乎想保護女友。(新聞連結:http://bit.ly/2fnnCLE)唔經唔覺佢哋拍咗拖差唔有大半年,Togi好似其他情侶一樣,得閒同女友去旅行,屋企聚會亦都見到Beth嘅踪影,Togi得閒仲會Ig貼蜜照,囝囝吳澋滔及吳澋耀都有同埋一齊影相,睇到佢吔兩個合照,好多張都係頭貼頭,恩愛程度真係拍得住嗰啲血氣方剛嘅後生仔。日前傍晚放工時間,明顯比之前發福咗嘅Togi,佢同Beth收工之後去咗happy hour,不過今次佢哋冇去酒吧飲酒,反而去咗銅鑼灣SOGO濕平,嗰陣佢哋兩個喺度睇皮鞋,雖然撞正係大減價,加上又係放工時間,成個場都好鬼多人,但係都冇影響Togi嘅雅興,繼續試鞋,女友就喺側邊俾吓意見,不過試咗輪都揀唔啱,所以佢哋冇耐就走人。離開咗SOGO之後,佢哋手拖手過馬路,慢慢行去白沙道坐小巴,沿途見佢哋兩個密密傾,好似成個世界剩係得佢哋兩個,行到小巴站,等咗差唔多10分鐘之後,先上車齊齊返屋企。雖然Togi睇落好似已經走過喪妻之痛,不過佢似乎未有忘記司馬燕,每逢喺啲重要節日,Togi都會喺fb貼圖悼念亡妻。

(採訪、攝影:梁繼光) (採訪、攝影:梁繼光)
之後佢哋手拖手慢慢行去白沙道搭小巴返歸 齊齊貼地等小巴
年初Togi被影到同長髮女Beth酒吧短敍談情
Togi同女友不時旅行嘆世界,仲post晒相上ig
其實Togi未有忘記司馬燕,每逢喺啲重要節日Togi都會喺fb貼圖悼念亡妻

來源 source: http://s.nextmedia.com
鍾意就快D Share啦!