依家大台8點半套《幕後玩家》啲女演員真係好拼搏喎! 講到最正莫過於係劉珮玥， 平時啲角色都係做下正氣人物、乖乖女，今次做人小三喎! 仲要進撃到喺Office啦、車啦，都可以同黃宗澤........哎呀! 睇到人哋個心卜卜跳!
劉珮玥透過選美入行，同屆仲有陳凱琳、蔡思貝，不過大台就選擇力谷陳凱琳、蔡思貝做女主角，但係呢兩位姐仔號召力就差啲，負評多多。相反，俾大台安排做配角嘅劉珮玥，就幾有觀眾緣! 每次出親鏡都有唔少網民讚佢做得唔錯。劉佩玥喺大台都拍過唔少劇集，雖然唔係主角，但係勝在產量夠多!
《四個女仔三個BAR》、《一屋老友記》都有佢演出，其中係《殭》入面嘅表演更一度俾人激讚。再到《城寨英雄》入面演嘅柯德莉，令佢人氣一度提升，更有唔少網民跪求劉珮玥同伍允龍拍拖。依家喺《幕後玩家》騷晒事業線，又著黑絲，做人情婦一樣都可以演得掂，大台不如諗下捧佢，好過陳凱琳同蔡思貝啦!
來源 source: http://s.nextmedia.com
|
鍾意就快D Share啦！
|
|
|
