2016年11月11日 星期五

主打歌瀏覽破千萬!JW豪使5位數慶功 __,JW,

JW上年首主打歌上載咗差唔多13個月之後,瀏覽突破千萬喇!歌手王灝兒(JW)去年底轉投新唱片公司,憑《矛盾一生》一曲人氣急升,歌曲當日上載短短兩日已錄得逾14萬瀏覽!其實每年香港樂壇至少推出過百首新歌,單計JW今年亦推出了七首新歌,但《矛》曲走勢凌厲,上載接近13個月後,瀏覽衝破1,000萬,被形容為「史上最快有千萬瀏覽的原創廣東歌」,JW即開心得舉行慶功宴!睇瀏覽似睇股票JW今晚預備了五位數字在 ...


JW上年首主打歌上載咗差唔多13個月之後,瀏覽突破千萬喇!

歌手王灝兒(JW)去年底轉投新唱片公司,憑《矛盾一生》一曲人氣急升,歌曲當日上載短短兩日已錄得逾14萬瀏覽!其實每年香港樂壇至少推出過百首新歌,單計JW今年亦推出了七首新歌,但《矛》曲走勢凌厲,上載接近13個月後,瀏覽衝破1,000萬,被形容為「史上最快有千萬瀏覽的原創廣東歌」,JW即開心得舉行慶功宴!

睇瀏覽似睇股票

JW今晚預備了五位數字在銅鑼灣宴請一班幕後團隊打邊爐慶祝,慶功宴前她接受《東網》電話訪問:「真係好開心!我爹哋日日都上網睇吓首歌嘅瀏覽,好似睇股票咁,尋晚一睇到過千萬瀏覽,即刻截圖喺屋企人群組開心Share!」她透露上周已留意到該曲錄得九百九十多萬瀏覽,當時已約定製作團隊食飯慶祝一番,如今再衝破千萬瀏覽,可謂喜上加喜!問到男友可會現身慶功宴?她笑說:「今晚係同公司、團隊食,遲啲先同屋企、朋友再慶祝。」

身價幾級跳!

JW坦言當初完全沒想過《矛》曲會錄得如此佳績,問到可有構成壓力?她說:「希望我嘅歌都可以有咁好成績,但要有千萬瀏覽真係好難!」歌曲內容講述一對情侶中,男方絲毫沒有結婚的打算,對此JW說:「我喺網上睇咗啲評論,有啲網民話經歷過咁嘅事,可能係冇乜呢啲題材嘅歌曲,所以容易引起共鳴。」她又坦言此曲回報大,對她而言是一種肯定,問到收入是否跳升數十倍?她笑說:「唔知幾多倍,但今年過得好充實!(獎勵自己?)我都有諗,想買啲乜嘢或者去個旅行,但仲未諗到。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...