2016年11月17日 星期四

L君止蝕有法 [壹週刊 - 1393 - 財經] __,M1,

L博士雖是貴為L君筆底嘅「超級富婆」,但有錢到極亦不外乎「家務助理」而已!一夜夫妻百日恩,此又情何以堪!中環人語L君止蝕有法資深賓架拎起L君份全版聲明,慨然而嘆,曰:L博士只可以分到二十個億,冇得再多矣。何以咁講?按照普通法,以佢哋兩個過去之關係、生埋兩個子女,一旦L君騎鶴西去,L博士大可以憑其「實質妻子身份」(defactowife即係妾侍)上法庭要求分身家。家吓L君份聲明講到明,L博士有大宅住 ...


L博士雖是貴為 L君筆底嘅「超級富婆」,但有錢到極亦不外乎「家務助理」而已!一夜夫妻百日恩,此又情何以堪!

中環人語

L君止蝕有法

資深賓架拎起 L君份全版聲明,慨然而嘆,曰: L博士只可以分到二十個億,冇得再多矣。何以咁講?

按照普通法,以佢哋兩個過去之關係、生埋兩個子女,一旦 L君騎鶴西去, L博士大可以憑其「實質妻子身份」( de facto wife即係妾侍)上法庭要求分身家。

家吓 L君份聲明講到明, L博士有大宅住,有汽車、飛機使,另加生活費,並非情緣未了;成個安排,「純屬為方便照顧兩名年幼子女。」即係話 L博士嘅地位,好聽啲,係保母( nanny);講得白啲,係家務助理( DA)。

出呢份告白,為求萬無一失而已。憶昔胡百全(余若薇夫家阿叔)坐喺立法局之時,佢位紅顏知己夏蕙 BB要入門做妾侍(係咪想分身家只有胡大狀至知),為防有失,佢於是提出私人草案,取消大清律例。自此香港人多得胡大狀唔少,冇得納妾,而夏蕙 BB亦冇得入門。 L君顯然覺得咁都未夠保險,於是益全港報紙(一日咁多),登頭版聲明。

L博士第一時間網上作英文回應,祝願 L君早日康復,做番個 loving and wonderful father。全篇公告唔見 husband一字。旁人睇嚟,似係扯晒白旗囉。 L君止蝕有法,勁!

呂麗君透過其呂麗君基金會網址回應大劉聲明。

夏蕙姨常說胡百全其實不喜歡做律師,因「一言興邦,一言喪邦」。當年胡百全提出私人草案,取消大清律例,即使郎有情妾有意,夏蕙姨都入唔到門。

鬍鬚曾阿松午間小聚

近排有人見過鬍鬚曾喺午飯時間,摸上阿松中半山屋企短聚,特首戰已開鑼,鬍鬚曾依然 to be or not to be,未敢亮劍,究竟兩位前任及現任財爺有乜密偈,要避開耳目喺屋企傾呢?突然有高官駕臨,「實 Q」都會識問, that's the question。

阿松和鬍鬚曾出席公開場合時,表現十分投契。

阿松居於中半山名廈愛都大廈,持有兩個三千多呎大單位。

中環寸嘴 今鋪睇習大大有冇 China bone

呢排班港英餘孽忽然變身愛國分子,唔好講咁多國家主權,領土完整,最緊要保持人民有飯開,其實香港人「愛國」、「愛港」,又愛「銀紙」!

如果去深究,「 china」呢個英文,都係辱華㗎,啲英國佬最識黑色幽默,如果你做棺材做得出色,就賜 Coffin個姓俾你,如果做管家做得好,就賜個姓叫 Butler,英國佬將自己放到高高在上,欣賞你中國人瓷器技術了得,就賜你國家英文名叫 China,恐防你啲土炮子俾人幽咗一默都唔識解救,後來英國佬發明咗製作骨瓷,就叫 bone china,又薄身,又硬淨,唔係好似我哋啲富三代,撼唔過啲缸瓦嘅;中國文化講「傲骨」,唔係「熬豬骨湯」嗰啲熬骨噃,以往英國出名做骨瓷如 Wedgwood, Royal Doulton,如今都搬咗去大陸 OEM生產,習大大話晒三十年前去過美國料理農務,過冷河(註:一九八五年,當年習近平以河北正定縣委書記身份,率領一個畜牧業訪問團,到 Iowa州,訪問一家農場,並在偏遠的 Muscatin小鎮留宿兩晚。)習主席點同候任大鱷美國總統周旋,呢鋪睇您

楊國佳 工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

毛玉萍娶新抱菜式解讀

毛玉萍(左一)娶新抱,親家是喜來登旺鋪老闆任永賢夫婦(右一、二),一對新人俞俊材(左二)及任靄婷揀選本週一農曆十五,兼超級滿月擺酒,果然花好月圓。幫滙豐睇風水的龍景銓(龍師傅)也是席上賓客。

毛玉萍娶新抱,喺舊會展大排筵席八十圍,六點鐘 cocktail,九點半先起筷,個菜單有五道措辭華麗嘅菜式,不過睇咗都唔知有乜落肚。

送給賓客的小禮物,紙扇一把。

1 海蜇絲、一件小乳豬加三粒牛柳

2 少少花膠、魚肚、半粒瑤柱加肇菜

3 鮮鮑、海參加上海白菜

4 豉油碗咁大嘅飯,加炸子雞一件及兩粒水餃

5 布丁加笑口棗以及少少生果


鍾意就快D Share啦!
Related Posts Plugin for WordPress, Blogger...