掃呢頁CODE去手機

2016年11月2日 星期三

Mr.拆夥危機未解 Alan:佢哋真係好難頂 __,Mr.,

Alan「十億䮛馬」成為Mr.「解散」傳聞關鍵人物。由Alan、Dash、MJ、Ronny及Tom組成的樂隊Mr.成軍8年,近年屢傳五子內訌面臨拆夥,去年尾Mr.和環球唱片公司宣布今年約滿便「暫停合作」後,五子除於去年10月及今年5月演出兩個內地大型騷後再鮮有「合體」,五人再於11月30日晚以壓軸嘉賓身份出演在中山舉行的「南獅音樂節」,同場還有太極樂隊、盧冠廷及陳奐仁等。Mr.的出現令過千歌迷瘋狂 ...


Alan「十億䮛馬」成為Mr.「解散」傳聞關鍵人物。

由Alan、Dash、MJ、Ronny及Tom組成的樂隊Mr.成軍8年,近年屢傳五子內訌面臨拆夥,去年尾Mr.和環球唱片公司宣布今年約滿便「暫停合作」後,五子除於去年10月及今年5月演出兩個內地大型騷後再鮮有「合體」,五人再於11月30日晚以壓軸嘉賓身份出演在中山舉行的「南獅音樂節」,同場還有太極樂隊、盧冠廷及陳奐仁等。Mr.的出現令過千歌迷瘋狂,更有歌迷激動到眼濕濕,在網上留言:「等咗好耐啦。」又問Mr.是否有新歌推出。

正以為Mr.終於「番生」之際,有傳Mr.「解散」危機未解,行內有傳Mr.決定和唱片公司不再合作後,一方面要努力償還欠環球的「歌債」,另一方面又承受近乎「零工作」的經濟壓力,且負面消息滿天飛,加上五子均生性火爆常有爭拗。

「十億䮛馬」Alan成關鍵?

傳聞五子有次聚頭時,有人發牢騷說:「我唔玩啦。」令其他成員大感無癮,更有人暗怨:「佢咁有錢,梗係唔使擔心生活啦,我哋要搵食㗎。」而矛頭直是兩年前娶了富家女,被封為「十億䮛馬」的Alan。

Band房「關門大吉」

其實五子「唔friend」亦有迹可尋,他們的社交網鮮見五人合照,連Alan早前跟RubberBand成員阿偉、Kolor成員Sammy合演舞台劇,也不見Mr.其他成員捧場,Alan早前開設新Band房及自組另一隊Band創作新歌,Tom則開辦音樂學校,邀請MJ、Ronny擔任導師拍檔搵食,另外,以Mr.名義租用了5年的Band房於最近「關門大吉」,似乎五子之間已愈行愈遠。

Alan「似嫁咗畀四個男人」

被傳是Mr.「核心問題」所在的Alan接受訪問,對於被指話「唔玩」,他否認說:「我冇咁講過,我只係想停一停先。」但承認有聽過「拆夥」傳聞,自感委屈:「我係主音,外界有乜傳聞,矛頭梗係指向我,除咗我自己有嘢做,其他成員都自己有嘢做啦,點解係話我。」他指要「還歌債」創作歌曲時壓力很大,要一口氣要創作十多首歌非易事,且跟其他成員在意見上亦有分歧。問到跟其他成員有何問題?Alan略帶激動說:「我就好似嫁咗畀四個男人咁,佢哋真係好難頂㗎。」

Dash「佢講『我好攰』」

另一成員Dash在多番追問下,雖說他否認Alan話「我唔玩」,但他說:「佢係講『我好攰』,大家聽到都好唔開心,但冇鬧交,只係話不如大家冷靜吓先。」至於有指Alan是「十億駙馬」沒經濟壓力,Dash說:「我哋從來冇諗佢呢個『包袱』,Alan都有自己嘅壓力,我哋就有生活上嘅壓力,我唔可以代表佢講乜,我相信佢可以消化到。」

返Band房執嘢好傷感

問到Alan自喻嫁給「四個好難頂男人」,他認同說:「佢形容得幾啱,我諗佢講呢句說話時,鑽緊牛角尖啫,我明白佢做主音,會有唱到好攰嘅時候。」Dash澄清成員跟Alan的關係非外傳般差,指Ronny有捧Alan舞台劇場,而他、MJ及Tom只因工作未能現身。至於連Band房都「關門」,他直認想減低成本:「如果有嘢傾,我哋可以去Tom間學校傾,冇咗Band房對我哋唔係咁大影響,我返去Band房執嘢時都好傷感,見到我哋攞過咁多獎,執都執到傻,但又令我有新體會,就係『點解要咁嘥晒』,所以我覺得要加倍努力做好啲。」

需要時間化解

問到Dash可有方法化解問題?他認為時間就是靈藥,他說:「中咗毒都要時間排毒啦,我哋又唔係十冤九仇。」Dash又指曾有不少唱片公司接觸他們傾合作,但被他們拒絕了,皆因現時只想「停一停」。可會再作新歌?Dash說:「我哋有呢個想法,但未有人講出嚟啫。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!