網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年11月22日 星期二

Nuts哥有話說:保障愛人 點解唔娶甘比? __,甘比,

劉鑾雄、甘比
Nuts哥有話說:保障愛人點解唔娶甘比?廣東話歇後語博大精深,既抵死又一針到肉,淨係睇劉鑾雄高調宣布同為自己生咗一對仔女嘅呂麗君割席,加埋尋日呂麗君向傳媒發出嘅聲明,我Nuts哥完全體驗到呢句歇後語:「除褲放屁」,即係咩?多此一舉囉!劉鑾雄、甘比點解嘅?點解嘅?白紙黑字話畀過呂麗君廿億嘅劉鑾雄,背後嘅律師團當然龐大驚人,防止啲紅顏知己同啲仔女爭產,所以一早做定準備,仲出埋聲明話呂麗君同自己關係了斷 ...


Nuts哥有話說:保障愛人 點解唔娶甘比?

廣東話歇後語博大精深,既抵死又一針到肉,淨係睇劉鑾雄高調宣布同為自己生咗一對仔女嘅呂麗君割席,加埋尋日呂麗君向傳媒發出嘅聲明,我Nuts哥完全體驗到呢句歇後語:「除褲放屁」,即係咩?多此一舉囉!

點解嘅?點解嘅?白紙黑字話畀過呂麗君廿億嘅劉鑾雄,背後嘅律師團當然龐大驚人,防止啲紅顏知己同啲仔女爭產,所以一早做定準備,仲出埋聲明話呂麗君同自己關係了斷,對方只係自己一對仔女嘅阿媽咁簡單。其實咁高調撇清關係又點?無論係劉鑾雄或者呂麗君嘅律師團隊,都好清楚明白香港係冇「事實婚姻」呢回事,即係冇結過婚冇簽過婚書嘅話,仔女嘅利益先至係法律嘅着眼點,因為養育子女係父母嘅責任!既然係咁,講到自己為照顧對仔女,提供大屋靚車私人飛機(爭在未有大炮咋!)咁點解分手咪分手囉,又要出聲明?而呂麗君又要喺尋日最新一份聲明公開向劉鑾雄保證唔會向佢或相關人士提出訴訟?係咪有人又受咗啲壓力呢?

尋日我Nuts哥雖然痛罵中國羽毛球壇一哥林丹背住老婆大緊肚時偷食好唔啱,不過林丹勝在即刻認衰,佢老婆謝杏芳都公開話佢有擔當,兩公婆冇話出嚟互砌,而「小三」趙雅淇又冇出嚟同林丹死過,起碼都見到林丹真係識得擺平兩個女人,呢啲堅係齊人之福。最重要嘅,係謝杏芳始終真係林丹老婆,佢一句說話,真係勝過一切!劉鑾雄話因為甘比好乖,從來冇主動問佢攞過任何錢同禮物,覺得抵錫,所以又畀錢又送禮,即係當正甘比係「The One」咁點解唔同甘比結婚、畀番個名分佢呢?

又唔係第一次結婚,都成六十幾歲人,乜嘢風浪乜嘢女人都見過啦,講到甘比猶如天上有,係咪娶埋人過門、簽埋字結埋婚,向全世界宣布甘比係「劉太」先至最實際呢!白紙黑字證明甘比係配偶,呢個法律效力咪仲大,仲使乜話要畀定幾十億畀甘比,以防將來打官司?呢個係咩玩法呢?我同你當然唔明,不過都係嗰句啦,有戲睇喎,我梗睇!尤其係見到有人阿茂整餅,嘥氣!


鍾意就快D Share啦!