無綫一年一度嘅《萬千星輝賀台慶》將於星期六舉行，一班小生花旦每年都會落力演出，而大部份都係唱歌跳舞。
不過成日一大班人一齊表演，搞到觀眾都睇唔到邊個打邊個。今年就有一對新組合成功彈出，佢哋並唔係新嘅青春少女組合，而係由44歲康華、46歲樊亦敏、48歲馬蹄露組成嘅「盛女三條Queen」。
查看相片
查看相片
查看相片
查看相片
雖然無綫經常被網民同觀眾狂插製作馬虎，不過今次佢哋首盡訴盛女心中情嘅歌曲《伊人當自強》就罕有地被網民激讚。
佢哋希望透過呢首歌鼓勵鼓勵更多嘅同路人。MV出街後，就罕有地被網民激讚，紛紛話「首歌好正」、「其實一早就應該有呢d俾佢哋發揮下. 好過盲捧d唔值得嘅人」、「好鍾意馬蹄露這個造型，好Cool……好靚」、「樊亦敏好靚……三個實力派，唱得好好!」、「MV好好睇」等等。
不過講到最多人讚嘅就係康華，好多網民都話佢好正、好靚、好索。而康華知道自己咁受網民歡迎嘅時侯，佢就話好多謝大家鍾意佢，過往好比心機做嘢，之後有好多信心，因為諗住有後路。佢仲話既然大家唔嫌棄佢呢個老女人，佢會繼續做落去。
查看相片
近日佢哋忙於為台慶節目表演綵排，不過康華就話之前拍MV着唔啱鞋，搞到整傷腳筋，依家要貼膏藥。《萬千星輝賀台慶》當晚係佢哋首次演出，都是大家拭目以待喇！
查看相片
查看相片
來源 source: http://hk.celebrity.yahoo.com
|
鍾意就快D Share啦！
|
|
|
