阿Sa暗指追求者唔係潘瑋柏，但係又吊大家癮唔講係邊個喎！
歌手蔡卓妍（阿Sa）出席英皇珠寶活動，穿上白色連身裙的她戴上40卡的綠寶石頸鏈、耳環及戒指。司儀叫阿sa揀定珠寶給一月生日的鍾欣潼（阿嬌），阿Sa反指本月生日應該叫對方送給自己。問到是否有儲開珠寶？她表示：「少少啦，珠寶要人送，屋企大部分都係老闆同媽咪送。（收埋幾多位數？）冇數。（嫁妝夠唔夠？）可以多啲。（唔同色珠寶都想儲？）都好，係冇綠色。」問到是否開聲老闆楊受成都會送珠寶？她表示：「唔可以成日開聲，睇啱佢開心，會事半功倍。」她更笑指會開老闆娘保險箱借珠寶戴。
同潘瑋柏唔熟：異地辛苦
問到她生日如何慶祝？她表示未知，可能要在內地拍戲。她又謂年年生日都大搞，反而今年想幾個知己食飯算數，她說：「次次我都飲到醉晒，好辛苦。」問到會否與緋聞男友潘瑋柏（潘帥）一同慶祝？她否認戀情，並謂不明白為何會傳緋聞。她指與「潘帥」有共同朋友，但私下不熟，她說：「最搞笑有人信，牙醫、做facial阿姐都有問我。（佢哋想你快啲拍拖？）證明潘瑋柏係筍盤。（順勢發展？）異地辛苦。（要揀香港？）最好，但有啲難，因為唔係成日出街，我識嚟識去都嗰啲，塘水滾塘魚，好都畀人擸晒，其餘唔揀都知咩事。」
直認有人追
提到阿嬌在內地節目表示現想揀結婚對象結婚生仔，阿Sa表示：「好正常。（你到呢個階段未？）我幾想生仔，但生仔要結婚先，有先啦，冇所謂，不嬲都自得其樂。（有人追？）有，但天蠍座一係鍾意，一係唔鍾意，唔鍾意就當唔存在，好怕麻煩。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
