如果畀你見到呢個安仔又會唔會嚇親？
由視帝郭晉安（安仔）、萬綺雯、黃德斌及王浩信主演嘅無綫新劇《致命復活》將會在今晚九點半首播，播足兩個鐘，讓觀眾更投入！
安仔為宣傳今晚首播之無綫新劇《致命復活》，以劇中深山大野人造型到訪將軍澳尚德街市，測試一下市民認唔認得到佢！由於安仔面上黐滿了長長鬍鬚，又有一把長髮，最初街市買餸的市民都唔係太認到，但好快大家就認出佢就是熟悉嘅郭晉安，熱情地圍住佢影合照，還大讚佢勁靚仔，搞到安仔好開心。
老闆斬大舊叉燒請「野人」食
安仔完全融入角色，在街市上話自己好耐冇食嘢，果然一呼百應，不少檔主都主動請安仔食嘢，安仔都算好口福，其中叉燒檔老闆立即斬大舊叉燒請他食，雖然安仔黐滿鬍鬚唔方便食嘢，但安仔仍擋不住叉燒檔老闆之盛情，撥開鬍鬚大啖食叉燒，安仔更大讚叉燒好好味。
「阿旺」變野人 師奶照like
其後安仔又經過海味檔，檔主又話安仔在戲中角色困在越南咁耐，應該食番啲好嘢補吓，估唔到新劇未播，觀眾已經完全熟知戲中角色之背景，果然係忠實粉絲！而街市中一班小朋友亦都唔怕安仔之野人造型，主動邀請安仔合照，仲話唔會驚安仔㖭。經過菜檔時，一班主婦更大讚安仔靚仔，又大叫他做「阿旺」，阿旺不忘叫大家今晚九點半，記得睇新劇首播，大家都話一定捧場，整個街市都充滿熱鬧氣氛。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
