舒淇低V壓陣封性感女王
今屆金馬獎的各個獎項已名花有主，昨晚紅地氈上又是一番明爭暗鬥，本報請來本地著名形象指導郭慶彬（Ricky Kwok）品評，舒淇以金色deep V「綑綁胸」晚裝上陣，成為性感之冠，Ricky大讚她又靚又性感，選她為紅地氈女王。至於歌手李玟，Ricky認為裙身的圖案將其身形吹脹，加上髮型與造型九唔搭八，慘成bad taste之最。
舒淇
「谷到盡嘅打扮，應該係全場最性感，deep V位低到無可再低，金色打扮一啲都唔俗氣，好啱場合，性感得嚟好有睇頭，條裙着得佢身形好修長，髮型各樣好配合，紅地氈女王當之無愧。」
許瑋甯
「佢着咗全白色晚裝裙，效果一般，性感係有，係一貫紅地氈打扮。個妝就成熟咗，髮型好似被淋雨咁，落湯雞，好似八十年代。上、下、前後360度有嘢睇，一副戰鬥格。」
林依晨
「呢條裙第一眼好搶眼好有台型，但領位差咗啲，令條頸好似短咗咁，佢向來都係鄰家女孩打扮，呢身打扮都好高貴，可惜爭咗條領。」
桂綸鎂
「佢今次打扮冇乜光彩，佢嘅打扮向來一絲不苟，呢身造型唔算最靚但叫做穩陣，同埋唔知係咪因為佢襯咗對黑色厚底鞋，成件事怪咗，條裙花紋又成熟，雖然係性感但令人失望！」
李玟
「呢條黑白色裙，雖然見到佢嘅花樽身形，但效果一般，成個感覺唔靚。敗筆係條裙圖案顯得佢好肥，性感得嚟都好做作；佢嘅smokey eye化到佢個樣好惡，但又梳咗個女神髮型，髮型唔襯造型！」
郭慶彬簡介
星級造型師郭慶彬的配搭功架深受女星讚賞，是「大美人」李嘉欣與「玉女掌門人」周慧敏等的御用造型師。
來源 source: http://orientaldaily.on.cc
|
鍾意就快D Share啦！
|
|
|
