掃呢頁CODE去手機

2016年12月11日 星期日

【1.17萬呎地皮起獨立屋】新愛巢預計明年建成 大劉緊張落地盤監工 __,大劉,劉鑾雄,

左圖攝影:黃曉程、朱志聰今日「大劉」劉鑾雄同新婚妻子陳凱韻(甘比)一齊出巡,去睇名下深水灣道3道地皮,據知,嗰個地盤將會興建一座獨立屋,大劉更打算稍後轉名畀佢同甘比所生嘅一對仔女秀樺同仲學。消息指,間屋將於明年完工,將會係大劉同甘比一家四口嘅新居,由於大劉特別錫秀樺同仲學,所以好緊張間屋嘅進度,就算醫生建議大劉半年內盡量唔好外出,但佢今日都要落地盤親自監工。另外,見大劉今日精神幾好,據知,已經回復 ...




其他影片:>>






今日「大劉」劉鑾雄同新婚妻子陳凱韻(甘比)一齊出巡,去睇名下深水灣道3道地皮,據知,嗰個地盤將會興建一座獨立屋,大劉更打算稍後轉名畀佢同甘比所生嘅一對仔女秀樺同仲學。消息指,間屋將於明年完工,將會係大劉同甘比一家四口嘅新居,由於大劉特別錫秀樺同仲學,所以好緊張間屋嘅進度,就算醫生建議大劉半年內盡量唔好外出,但佢今日都要落地盤親自監工。另外,見大劉今日精神幾好,據知,已經回復體重嘅佢,遵照醫生建議,要keep番體重,佢喺換腎前行唔到,o依家進展到可以撐住枴杖出門,康復進展理想。翻查資料,深水灣道3號地皮佔地約1.17萬方呎,係由華置(127)大股東劉鑾雄於2011年以8.888億元奪得,並於前年完成1.9761億元嘅補價協議,大劉間獨立屋現時巿值估計約13億元。其實喺今個月初,大劉名下嘅華置(127)先至分完身家,該股宣佈將灣仔肇輝臺12號項目以10.5億港元售予大股東劉鑾雄(大劉)妻子甘比(陳凱韻)、將羅湖商業城一系列商舖,以5億港元售予華置主席、大劉長子劉鳴煒。(新聞連結: http://bit.ly/2hfFtrZ )而大劉近年送贈給甘比的物業,如山頂歌賦山里道獨立屋、高士美道5號,共同持有則有深水灣道3號,連同甘比私人名下的物業,如中半山帝景園、灣仔壹環、鰂魚涌太古城、將軍澳中心等7項住宅物業,市值合共約25億元。


來源 source: http://s.nextmedia.com
鍾意就快D Share啦!