掃呢頁CODE去手機

2016年12月15日 星期四

朱慧珊陪老公湊狗 [壹週刊 - 1397] __,朱慧珊,M1,

同你吟一吟朱慧珊陪老公湊狗結咗婚,如果唔生細路,好多人都鍾意養寵物,仲會將屋企啲貓貓狗狗當仔女咁照顧。早個禮拜六,《壹》仔又見到去邊都帶埋隻寶貝芝娃娃响身邊嘅朱慧珊,同老公去咗淺水灣放風;兩公婆坐喺PacificCoffee露天位,煲煙飲coffee傾偈揭雜誌,hea咗個幾兩個鐘。狗狗大部分時間都黐住「爹哋」賈鈞鵬,錫錫坐大髀,痴纏到呢!不過「媽咪」一啲都冇呷醋,仲不時揸住手機,幫寶貝狗狗同老公影 ...


同你吟一吟

朱慧珊陪老公湊狗

結咗婚,如果唔生細路,好多人都鍾意養寵物,仲會將屋企啲貓貓狗狗當仔女咁照顧。

早個禮拜六,《壹》仔又見到去邊都帶埋隻寶貝芝娃娃响身邊嘅朱慧珊,同老公去咗淺水灣放風;兩公婆坐喺 Pacific Coffee露天位,煲煙飲 coffee傾偈揭雜誌, hea咗個幾兩個鐘。

狗狗大部分時間都黐住「爹哋」賈鈞鵬,錫錫坐大髀,痴纏到呢!不過「媽咪」一啲都冇呷醋,仲不時揸住手機,幫寶貝狗狗同老公影合照。

冇嘢好做亦唔使做,朱慧珊陪老公湊狗,寫意!

朱慧珊兩公婆當狗狗親生仔女一樣,但隻芝娃娃明顯喜歡黐「爹哋」多啲。

兩公婆都係煙民,特別啱 key。

「媽咪」揸機,狗狗坐定定擺 pose,好有性。

撰文︰八珍


鍾意就快D Share啦!