掃呢頁CODE去手機

2016年12月22日 星期四

服侍國寶晶晶 霍啟剛拎心心奶粉袋 [壹週刊 - 1398] __,霍啟剛,M1,

又到聖誕!霍啟剛、郭晶晶一家三口週一起程去美國過聖誕。名人動態服侍國寶晶晶 霍啟剛拎心心奶粉袋富二代圈子中,霍英東長孫霍啟剛都算最貼地!娶到個國寶老婆郭晶晶,霍家頭號繼承人就算做阿四,都冇所謂。聖誕節就快到,霍啟剛兩公婆趁住假期,帶埋囝囝霍中曦(Lawrence),一家三口飛去美國度假。冇工人冇助手同行,推完一車行李去checkin,之後霍啟剛仲幫晶晶拎埋個奶粉袋,粗重工夫,做晒!親力親為本週一( ...


又到聖誕!霍啟剛、郭晶晶一家三口週一起程去美國過聖誕。

名人動態

服侍國寶晶晶 霍啟剛拎心心奶粉袋

富二代圈子中,霍英東長孫霍啟剛都算最貼地!娶到個國寶老婆郭晶晶,霍家頭號繼承人就算做阿四,都冇所謂。聖誕節就快到,霍啟剛兩公婆趁住假期,帶埋囝囝霍中曦( Lawrence),一家三口飛去美國度假。

冇工人冇助手同行,推完一車行李去 check in,之後霍啟剛仲幫晶晶拎埋個奶粉袋,粗重工夫,做晒!

親力親為

本週一(十二月十九日),霍啟剛一家三口現身機場,準備出發美國之旅。行程足足十日,兩大一小加上要帶備厚衫,霍啟剛一個人推住四個大喼,前面孭個袋,後面再加一個背囊。

老公三頭六臂,國寶晶晶就負責照顧寶貝仔中曦,輕輕鬆鬆!

出埠唔帶工人,郭晶晶霍啟剛事事親力親為。晶晶全程拖住囝囝行,三歲的 Lawrence戴住公仔 cap帽,沿途扎扎跳,又不停撩媽咪傾偈,好精靈!

之前傳大肚的晶晶,身形明顯發福,著住短裙加 leggings再襯長 boots的她,是日一改樸素,罕有地孭住個八萬蚊才有交易的黑色 Hermes Kelly。

去到 check in櫃位,霍啟剛自動自覺辦理登機手續,落手搬行李過磅;讓媽咪拖住的 Lawrence,開始等到不耐煩,扭計要抱。

霍啟剛推住四個大喼,前面一個斜孭袋,後面一個大背囊,三頭六臂。

阿仔扭計,將 cap帽一手丟落地。

晶晶見有記者,即刻將 BB車上蓋冚實,但囝囝唔 like,探頭四圍望。

將四喼行李寄艙後,霍啟剛幫老婆拎埋奶粉袋。

三歲的霍中曦勁好精力,不時手指指問媽咪嘢。

分開入閘

為了安撫兒子,晶晶打開 BB車,但囝囝唔肯坐定定,不停周身郁,之後還一手除低 cap帽丟落地。

之後晶晶發現記者拍照,立即拉低 BB車冚,免得兒子入鏡;但好奇心十足的 Lawrence卻不停探頭四圍望,搞到晶晶冇晒符。

辦好登機手續後,霍啟剛兩公婆刻意前後腳分開入閘。其時,晶晶將手上的淡粉紅色心心奶粉袋交到老公手上,自己就拖住 Lawrence先行。

雖然四喼行李已寄艙,但入閘時,霍啟剛依然左一袋、右一袋再後面一袋,廿四孝老公!

除了拍住做內地真人騷,兩公婆亦經常孖住出席慈善活動。

早前晶晶單拖行超市買餸,一樣冇工人跟身,夠晒貼地。

撰文、攝影、攝錄:娛樂組


鍾意就快D Share啦!