掃呢頁CODE去手機

2016年12月19日 星期一

【獨家】親暱拍拖照洩蜜 35歲余文樂秘撻「皮帶大王」索千金 __,余文樂,

今年35歲嘅余文樂,屬圈中標青筍盤,但自從3年前同Kary吳雨霏分手後,感情一直未有着落,雖然之前傳過佢同金馬影后周冬雨拍節目嗰陣撻着,又試過同小儀傳過緋聞,不過純屬笑料一則!(新聞連結:http://bit.ly/2hes0gQ)單身日子過得耐,靜極思動嘅余文樂,早排就放聲氣,話想結婚生仔定落嚟,原來佢唔係得個「講」字,最近佢就頻頻到台灣,「蜜」會全球最大皮帶廠亞美集團總裁王東生獨生女王棠云(S ...




其他影片:>>






今年35歲嘅余文樂,屬圈中標青筍盤,但自從3年前同Kary吳雨霏分手後,感情一直未有着落,雖然之前傳過佢同金馬影后周冬雨拍節目嗰陣撻着,又試過同小儀傳過緋聞,不過純屬笑料一則!(新聞連結:http://bit.ly/2hes0gQ )單身日子過得耐,靜極思動嘅余文樂,早排就放聲氣,話想結婚生仔定落嚟,原來佢唔係得個「講」字,最近佢就頻頻到台灣,「蜜」會全球最大皮帶廠亞美集團總裁王東生獨生女王棠云(Sarah)。日前有讀者爆料,指余文樂早排去台灣拍《春嬌救志明》,喺一次聚會中,識到呢位做model、同時亦係「皮帶大王」千金Sarah,型男索女極速過電,發展一日千里,即使拍完《春》片,余文樂亦密密飛台灣見女友。原本戀情冚到密密實,但日前二人拍拖到朋友聚會時,當影大合照嗰陣,女方不自覺依偎男方膊頭,而男方就露出冧滋滋樣。事後呢張親暱相,唔小心俾朋友擺上網,結果無意間令二人戀情公開!大前晚,余文樂一家為爸爸慶祝生日,有指Sarah專登來港參與男友家庭聚會,當晚余文樂哥哥Alex,就開始follow Sarah嘅Ig!兩個禮拜前,余文樂喺公開活動中,講過拍拖一定會公開。不過對於同「皮帶大王」千金拍拖,佢就回覆《蘋果》話:「報料的人根本錯,個(嗰)張相只係一班朋友係(喺)台北個(嗰)時影的,我爸爸生日只有我一家人,無其他人,我都想有個女友可以帶比(俾)我爸爸見,但真係無!」問佢同Sarah有冇進一步發展機會,佢答:「唔想假設,但真係朋友!」

二人出席朋友聚會,結果就唔覺意咁「被公開」好朋友關係!(網上圖片) 余文樂同Sarah黐到咁實影相,觀乎二人嘅身體語言同表情,似比「朋友」再close多啲啲嘅關係囉!(網上圖片)
余文樂哥哥Alex(右),原來都有follow Sarah嘅Ig。(余文樂哥哥Alex Ig) 睇番Sarah個facebook,都有唔少騷長腿相。(Sarah facebook圖片) 家底來頭猛,個樣亦唔差!(Sarah facebook圖片)
Sarah日前喺台灣飛香港,約會朋友,網民指佢順便同余文樂爸爸慶生! 不過余文樂話爸爸生日當晚,只係一家人食飯,冇Sarah份o架! 余文樂之前傳過同出爐金馬影后周冬雨拍拖!(余文樂微博圖片)
仲話係小儀嘅真愛!(資料圖片) 之前未封盤嘅余文樂,身邊「玩具」比異性多。(資料圖片)

來源 source: http://s.nextmedia.com
鍾意就快D Share啦!