掃呢頁CODE去手機

2016年12月19日 星期一

真.找數!展鵬咀足定欣3秒 __,定欣,陳展鵬,展鵬,胡定欣,

找數真漢子!視帝視后陳展鵬與胡定欣,早前曾表示在香港奪獎「大滿貫」後會錫錫示人,二人接受訪問前被媒體起哄「找數」,二人顯得相當尷尬,未肯錫錫。現場繼續起哄,展鵬終於作狀錫定欣,而定欣則以手指送飛吻落展鵬塊面,但現場仍然「唔收貨」,面對現場一波波攻勢,展鵬笑言:「玩咁大唔收科喎!」最終展鵬錫定欣面珠3秒,因有媒體未及影相,展鵬應要求再錫定欣3秒,完成承諾。攬住啲獎瞓談到陳展鵬在台上錫定欣錫得勉勉強強 ...


找數真漢子!

視帝視后陳展鵬與胡定欣,早前曾表示在香港奪獎「大滿貫」後會錫錫示人,二人接受訪問前被媒體起哄「找數」,二人顯得相當尷尬,未肯錫錫。現場繼續起哄,展鵬終於作狀錫定欣,而定欣則以手指送飛吻落展鵬塊面,但現場仍然「唔收貨」,面對現場一波波攻勢,展鵬笑言:「玩咁大唔收科喎!」最終展鵬錫定欣面珠3秒,因有媒體未及影相,展鵬應要求再錫定欣3秒,完成承諾。

攬住啲獎瞓

談到陳展鵬在台上錫定欣錫得勉勉強強,他即笑謂:「呢排拍戲咀定欣咀得太多,加上自己有感冒,費時傳染畀定欣。(《同盟》要激吻?)有啲有深度、有感覺嘅吻。」而對於《城寨英雄》大滿貫,他亦指自己沒有想過劇集成績如此好:「估唔到《城》喺香港成績都咁好,好擔心香港觀眾同馬來西亞、新加坡嘅好唔同,定欣呢個好拍檔真係豐收。今晚應該瞓唔着,會攬住啲獎瞓。」

提到胡定欣冧莊視后,她就指自己其實早有信心:「經歷過新加坡同馬來西亞兩個頒獎禮,自己都想喺香港收到支持,大滿貫真係好難得!」又指自己會朝住最受歡迎電視女角色和演藝大獎等未拿過的獎項進發。

工作為先

記者問他們會否因大滿貫而宣布戀情?他們即互相對視,氣氛亦開始變得尷尬,最後由陳展鵬「嘰」一聲笑聲打破沈默,令胡定欣笑謂:「做咩呀?講起都想笑呀?」陳展鵬續謂:「多謝傳媒對我哋嘅炒作!」定欣聞言即「糾正」:「唔好講炒作,係對我哋嘅支持!(咁有冇咩公布?)冇咩公布,聽日都繼續要外景,希望可以繼續同展鵬合作,大家都好合得嚟。」問他們是否做好工作至諗兒女私情?陳展鵬即謂:「做好工作先諗感情,唔好嘥咗啲工作機會。(慶功?)拍《同盟》拍到聲沙,之後都會同同事食餐飯嘅。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!