網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年12月28日 星期三

【獨家】舊年同嫩男友分手 50歲周海媚:我冇錢,冇人追! __,周海媚,

今個月正式踏入50歲嘅周海媚(海味),13年前回歸祖國發展,賺人仔之餘,亦搵到細佢7年嘅建築師男友,從此定居大陸。姊弟戀最初不被睇好,結果一拍拍足12年,到身邊人開始着急二人婚事,結果今年8月,海味失驚無神喺活動中,宣佈同強國男友分手,講時輕描淡寫,不留半點痕跡!半生人經歷9段愛情,每段戀情都百分百投入,可惜最終分手收場,至今孑然一身,但事實上,係你急佢唔急,堅持「不婚不育」嘅海味就話:「我o依家 ...




其他影片:>>






今個月正式踏入50歲嘅周海媚(海味),13年前回歸祖國發展,賺人仔之餘,亦搵到細佢7年嘅建築師男友,從此定居大陸。姊弟戀最初不被睇好,結果一拍拍足12年,到身邊人開始着急二人婚事,結果今年8月,海味失驚無神喺活動中,宣佈同強國男友分手,講時輕描淡寫,不留半點痕跡!半生人經歷9段愛情,每段戀情都百分百投入,可惜最終分手收場,至今孑然一身,但事實上,係你急佢唔急,堅持「不婚不育」嘅海味就話:「我o依家冇人追,仲乜要追我啫?我又冇錢,又冇跌錢。」口講冇人追,但女人無論咩年歲,對戀愛依然抱有憧憬,海味對未來另一半,仍有簡單要求:「總之要好人一個、心地善良、鍾意動物。」原來海味屋企養咗6隻金毛尋回犬,家已經做咗「婆婆」,佢話:「搵男友順其自然啦,有就有,冇就冇,我都享受自己一個人㗎,佢哋(寵物狗)愛我愛到不得了,最細嗰隻,一秒都唔可以離開我!」提到同海味同期嘅鄧萃雯、邵美琪都未結婚,命運相同,海味話:「咦!係喎!我又真係冇諗過,我仲以為Maggie結咗婚添!」

攝影、採訪:葉君海採訪:羅慧敏 50歲海味,舉手投足依然有陣陣少女味。 海味話家中有6隻狗,自己不愁寂寞。
將來搵對象,都要搵鍾意動物嘅男仔。 對於搵男友,海味話順其自然。 被外間稱為美魔女嘅海味,話自己其實乜都食冇乜戒口。
今年8月,海味喺活動中,宣佈同細自己7年嘅男友分手。 前半生經歷9段愛情,最轟動應該係同黎明嘅一段情。 85年,當時只有21歲嘅海味,喺美國同呂良偉登記註冊,不過二人未有喺一年內完成註冊,所以婚姻未有生效。

來源 source: http://s.nextmedia.com
鍾意就快D Share啦!