掃呢頁CODE去手機

2016年12月7日 星期三

【獨家跟足全程】57歲謝偉俊酒店會短裙女 輕掃長髮夾到實 __,謝偉俊,

57歲立法會議員謝偉俊同71歲的白韻琹由相識到結婚共處27年,呢對老夫老妻經常出現嗌霎,不過正所謂床頭打交床尾和,搞完一場大龍鳳又和好如初,佢哋仲試過喺銅鑼灣當街打情罵俏晒恩愛!(新聞連結:http://bit.ly/2fQHzxo)日前《蘋果》又喺銅鑼灣遇到謝偉俊,不過今次,佢就撇甩太太白韻琹,反而係同一男二女去咗怡東酒店地下嗰間酒吧飲酒。雖然嗰陣已經係夜晚11點幾,但係酒吧裡面仲有好多客人。一 ...




其他影片:>>






57歲立法會議員謝偉俊同71歲的白韻琹由相識到結婚共處27年,呢對老夫老妻經常出現嗌霎,不過正所謂床頭打交床尾和,搞完一場大龍鳳又和好如初,佢哋仲試過喺銅鑼灣當街打情罵俏晒恩愛!(新聞連結:http://bit.ly/2fQHzxo)日前《蘋果》又喺銅鑼灣遇到謝偉俊,不過今次,佢就撇甩太太白韻琹,反而係同一男二女去咗怡東酒店地下嗰間酒吧飲酒。雖然嗰陣已經係夜晚11點幾,但係酒吧裡面仲有好多客人。一行四人最初都有啲拘謹,但係飲多兩杯落肚之後,氣氛變得輕鬆,越傾越開心,但只係蒲咗一個鐘鬆啲,已飲到面紅耳熱,起身走人。飲到腳步浮浮嘅謝偉俊,行到去酒店大堂,同行嘅男友人見到佢咁,都忍唔住扶一扶。不過唔知係咪頭先傾得太開心,謝偉俊走嗰陣,好似好依依不捨,四個人企喺度傾多一陣先肯走。謝偉俊對一名臨走同短髮女子攬一攬,但其實佢最care嘅,係同行另一個長髮短裙女子。由酒店大堂開始,謝生已經伸手勾住女方粉頸,真係唔知57歲嘅偉哥——謝偉俊,呢一刻係當女方係妹妹,定係情人眼裡出西施呢……貓貓地嘅謝偉俊,勾住長髮短裙女行去世貿中心的士站,見謝偉俊眼神裡面嗰種關愛,嗰種想好好保護眼前人嘅渴望……期間謝偉俊更情不自禁,輕撫女方長長的秀髮,仲由著通朋友嗰種搭膊頭hi bye,進展成熱情地攬住女方,將佢拉近自己寬敞胸前,趁女方上的士歸家去之前,用盡最後的溫柔與暴力,直至……的士打開車門為止。向來好紳士風度嘅謝偉俊,其實……係諗住送女仔返屋企,但長髮女見偉哥明顯不勝酒力,所以婉拒咗,最後自己一個坐的士走人。一臉失落嘅謝偉俊就左搖右擺,行返附近嘅屋企。

相關新聞:

謝偉俊揑打踢 冧爆白韻琹

http://bit.ly/2fQHzxo

採訪、攝影:徐錦池、吳耀輝 日前謝偉俊現身銅鑼灣,同一男二女去咗怡東酒店地下嗰間酒吧飲酒
離開嗰陣謝生伸手勾住女方粉頸 之後佢仲同另一位短髮女子攬攬講byebye
之後佢就送長髮女搭的士 等車嗰陣,佢仲摸長髮女頭髮
另一個角度睇謝偉俊真係攬到實 最後都係同長髮女講byebye
今年4月,同一地點,謝偉俊身邊的是白姐姐,兩人sweet 到漏,謝仲當街踢白姐姐pat pat。(資料圖片) 真係恩愛到不得了!(資料圖片)

來源 source: http://s.nextmedia.com
鍾意就快D Share啦!