掃呢頁CODE去手機

2016年12月23日 星期五

天后男友唔易做 蔡依林錦榮拍拖6年少公開合照 __,錦榮,蔡依林,

天后男友唔易做 蔡依林錦榮拍拖6年少公開合照■蔡依林多次被拍得孖錦榮食平民餐,更傳要AA制。資料圖片身高158cm嘅台灣天后蔡依林(Jolin),喺聖誕節前夕突然傳出同拍拖6年、身高189cm嘅男友錦榮結束6年情,令人傷心!Jolin同錦榮喺2010年開始拍拖,唔只身高有成31cm差距,連地位都好懸殊,一個天后,一個只係靚仔男模,女尊男卑似乎暗藏心結。Jolin同錦榮拍拖雖然唔係秘密,無論出街食飯 ...


天后男友唔易做 蔡依林錦榮拍拖6年少公開合照



■蔡依林多次被拍得孖錦榮食平民餐,更傳要AA制。資料圖片

身高158cm嘅台灣天后蔡依林(Jolin),喺聖誕節前夕突然傳出同拍拖6年、身高189cm嘅男友錦榮結束6年情,令人傷心!

Jolin同錦榮喺2010年開始拍拖,唔只身高有成31cm差距,連地位都好懸殊,一個天后,一個只係靚仔男模,女尊男卑似乎暗藏心結。Jolin同錦榮拍拖雖然唔係秘密,無論出街食飯、行超市定去旅行都試過被人野生捕獲,fans同記者撞破過好多次,最搞笑嗰次應該係2013年,Jolin同錦榮食完飯,原本錦榮開車送女友返屋企,半路中途錦榮跳車逃走,要由Jolin一個人開車返歸。

雖然話Jolin同錦榮拍拖6年,但一直都冇公開合照。直至今年7月,Jolin喺馬來西亞舉行完《我呸PLAY》巡迴演唱會翌日,先喺官方討論區貼咗一張兩人chok樣托腮嘅相,但點知只係隔咗4個月,就傳出分手。

不過,錦榮之前接受台灣傳媒訪問已經講過,結婚會有三條件,包括婚戒不離手、老婆跟丈夫姓、夫妻財產共有,呢3個條件,同兩個人身份地位似乎有啲衝突,難怪拍拖咁多年傾唔掂數,最終由婚訊變「分訊」啦。


鍾意就快D Share啦!