特首女梁齊昕嘅健康狀況一直都令人關注，《蘋果》噚日收到消息，話齊昕喺沙田威爾斯親王醫院住院一個月，原因未明，只見平日喜歡喺社交平台分享生活點滴嘅齊昕，已經有大約一星期冇更新消息，之前亦只係貼舊相，令人擔心。《蘋果》今日終於同齊昕取得聯絡，問到佢嘅健康情況，同埋o依家係咪仲喺醫院？齊昕未有正面回應，但就同記者報咗平安，以短訊回覆：「多謝關心」之餘，仲加咗一個笑臉公仔。事緣噚日《蘋果》早上約9點半發現齊昕母親梁唐青儀現身沙田威爾斯親王醫院，佢坐嘅AM108車牌特首夫人專車，自然份外矚目。坐駕停喺醫院大樓屬住院主樓暨創傷中心，梁唐青儀孭着環保袋同手挽飯壺保溫袋，戴晒太陽眼鏡同口罩，由通往殮房同上落貨區嘅方向行。記者嘗試上前採訪，佢反應極大，隨即走回醫院電梯躲避。而梁太準備離開醫院時，至少有6名醫院保安人員出現幫忙擋駕，梁太先要求記者出示證件，又用手機反拍記者。記者問她到醫院探望誰，佢就話：「我嚟探朋友！」問佢係咪探齊昕，佢就低聲說：「佢唔喺度㗎！」又稱探邊個係佢私隱，同公眾利益冇關，然後就上車離開。( 新聞連結：http://bit.ly/2gEwtZI )留意番，《經濟日報》今日喺A06「要聞」版「據悉」報道，指梁振英「很大機會」在本月下旬赴京述職後，正式宣布角逐連任。
| 有傳齊昕於沙田威爾斯親王醫院留醫，佢今日短訊回覆《蘋果》。 | | |
| | |
來源 source: http://s.nextmedia.com
|
鍾意就快D Share啦！
|
|
|
