掃呢頁CODE去手機

2016年12月10日 星期六

【表情都有罐頭】《幕後玩家》翠如BB一個樣演足成套劇 __,翠如,幕後玩家,黃翠如,

終於到大結局喇,唔係講緊梁振英個任期,而係大台劇《幕後玩家》!黃宗澤(Bosco)惡人有惡報,俾翠如BB用半年時間鋪路毒死,翠如BB喺ICU同Bosco坦白一切,結果係Bosco死唔眼閉。至於其他角色呢?龔嘉欣就同咗鄭子誠一齊,而張繼聰就同鄧佩儀有情人終成眷屬。而翠如BB喺最尾約番蕭正楠喺大會堂出面相聚,不過就俾Bosco舊愛劉佩玥截停,狠狠咁連桶咗肚腩三刀橫屍街頭(應該係死咗),蕭正楠只係呆呆咁 ...




其他影片:>>






終於到大結局喇,唔係講緊梁振英個任期,而係大台劇《幕後玩家》!黃宗澤(Bosco)惡人有惡報,俾翠如BB用半年時間鋪路毒死,翠如BB喺ICU同Bosco坦白一切,結果係Bosco死唔眼閉。至於其他角色呢?龔嘉欣就同咗鄭子誠一齊,而張繼聰就同鄧佩儀有情人終成眷屬。而翠如BB喺最尾約番蕭正楠喺大會堂出面相聚,不過就俾Bosco舊愛劉佩玥截停,狠狠咁連桶咗肚腩三刀橫屍街頭(應該係死咗),蕭正楠只係呆呆咁拎住紮花,喺事發現場附近癡癡等緊翠如,完全唔知翠如出咗事……翠如BB反應迅速,喺大結局一刻就喺facebook撰文,分享佢對自己點睇呢個角色,佢話:「顧成雙,她打從心底裏從來不覺得自己是一個壞人,她有自己的理由:生存的理由,致勝的理由,愛與恨的理由。在她的世界,從來只有她自己,她不需要別人的理解,認同和分享。有人覺得她是一個悲劇,有人覺得她非常可惡,但對於她來說,這就是她真實的人生。選擇,決定了命運。命運,決定了選擇。」唔少網民都留言讚佢演得好。之前翠如BB俾網民笑佢唔識演奸人,木無表情,無論係開心、嬲、懷疑等,都係用一個萬用表情。其實成套劇翠如BB經歷好多風風雨雨,由見番舊愛、同家姐鬥法、細佬跳樓,再忍辱負重嫁俾Bosco,人生咁大起跌,但可能翠如個角色設計比較內歛,為求保護自己(梗係,佢有個咁變態嘅家姐陳煒…),所以嚟嚟去去都係一個樣……估咋下。但就有高登仔衰衰咁用笑佢根本就得笑同唔笑兩種演繹方式,亦有人讚佢「 呢啲叫喜怒不形於色呀 你知咩」、「我覺得佢長期都係強顏歡笑 同埋把聲冇乜起伏」、「啲戲好到用同一種表情就表達晒咁多種複雜情緒,好屈!」其實噚晚翠如BB做得都唔錯,喺ICU向Bosco講出真相嗰場,唔再係喜怒不形於色,睇到有啲心寒;結局俾劉佩玥插嗰下亦相當出人意表,但仍然好「內歛」。

翠如BB用一個萬用表情貫穿成套劇,其實都幾抵讚吖。 (《幕後玩家》影片截圖) 呢場戲係張繼聰蕭正楠勸佢唔好一時衝動嫁Bosco 黃翠如為Bosco講好話
呢個係表達佢為弟弟陸永報仇嘅決心 呢個係嬲 同Bosco結婚
行完禮,Bosco突然噴血… 翠如表情是驚,定係按捺心中狂喜?因為大仇得報了!
呢個表情係翠如扮驚
向Bosco家姐莊思敏交代事發經過 醫生話Bosco好危險…
呢場ICU同Bosco講出真相 好詭異… 翠如終於唔使再扮喜怒不形於色
話俾Bosco聽所有嘢都係佢做… 呢個表情,對白係講緊,真正嘅幕後玩家,係佢。 不寒而慄
死咗喇,Bosco死咗喇! 一秒變臉扮心痛,叫人入嚟救Bosco
可是之後蕭正楠向佢迫供、質問佢係咪落毒害死Bosco時,翠如又變番不慍不火嘅表情。 呢個表情,係同蕭正楠講好愛佢… 火葬場上,警察帶走劉佩玥,話佢係疑兇,真兇黃翠如有啲驚…但佢掩飾得好好。
完全睇唔出佢驚… 俾劉佩玥捅第一刀… 劉佩玥講咗一輪嘢
劉佩玥再講一輪嘢 然後…
呀呀… 死咗。

來源 source: http://s.nextmedia.com
鍾意就快D Share啦!