掃呢頁CODE去手機

2016年12月1日 星期四

【角色無知定係…】《幕後玩家》陸永未確認染愛滋 跳樓自殺亡 __,陸永,幕後玩家,

《幕後玩家》呢套劇,真係世界級——有演技令人眼前一亮嘅龔嘉欣,有「最強小三」劉佩玥,鹽花落力咁灑,仲要加埋啲大家族權力鬥爭……都未夠,無綫編劇竟然諗到用愛滋病作武器,最後害死陸永。但不可思議是,害死陸永的不是這個病,而是無知。《幕》劇交代黃宗澤設局害陸永,安排一名患愛滋病嘅0靚模接近爛醉嘅陸永,一覺醒來鏡頭交代陸永一夜激戰衣衫不整,再鏡頭一轉黃宗澤就話佢聽周刊將大肆報道呢單嘢,仲話該名model患 ...


《幕後玩家》呢套劇,真係世界級——有演技令人眼前一亮嘅龔嘉欣,有「最強小三」劉佩玥,鹽花落力咁灑,仲要加埋啲大家族權力鬥爭……都未夠,無綫編劇竟然諗到用愛滋病作武器,最後害死陸永。但不可思議是,害死陸永的不是這個病,而是無知。《幕》劇交代黃宗澤設局害陸永,安排一名患愛滋病嘅0靚模接近爛醉嘅陸永,一覺醒來鏡頭交代陸永一夜激戰衣衫不整,再鏡頭一轉黃宗澤就話佢聽周刊將大肆報道呢單嘢,仲話該名model患愛滋。鏡頭影住一臉驚恐的陸永, 瑟縮天台一臉無助,黃宗澤步步進迫,話陸永「瀨嘢」,「橫掂都係死」,「一係柄埋自己等死,二,橫死掂死,返去搵佢(陳煒)報仇!」咩都未驗,空窗期都未過,就知自己染上愛滋?然後,更絕望得打晒俾身邊人講定遺言,然後一死了之——在至摯親目送下。無綫劇集常用套路,就係重要角色死前,通常都會集合一大棚人「目擊」、勸解,你一言我一語製造張力。陸永跳樓這場戲,成功集齊黃翠如、蕭正楠、張繼聰、李成昌等人搵到陸永然後趕及喺佢跳之前,一齊說出下對白:陸永:我瀨嘢喇,我有愛滋呀!啱啱先想同阿Da(糖妹)一齊,我喺出面瀨咗嘢喇!我抵死呀!

張繼聰:一齊拆掂佢

陸永:我從未試過咁憎我自己!我邊有面目面對阿Da?我真係想企番起身,但係我做唔到。我真係好攰!我真係好攰!

黃翠如:我哋平平安安開開心心就夠!

陸永:平平安安?開開心心?我冇呢個機會㗎喇!你哋照顧自己!然後陸永就從天台一躍而下,正好跌在黃宗澤車上……八十年代劇情?「關懷愛滋」就《幕》劇噚晚一集劇情,於傍晚發聲明,全文如下:「就無綫電視29日晚的劇集《幕後玩家》情節,關懷愛滋作出以下回應,大眾若懷疑感染愛滋病病毒,在未檢驗前,應保持冷靜,不要驚慌,即使測試證實感染愛滋病病毒,只要及早接受治療,生活與一般人無異。感染愛滋病病毒可以沒有病徵,所以不可憑外貌判斷及誤信別人,本機構重申及早測試才是惟一確診方法。本機構亦希望傳媒應該發放正確愛滋病資訊,避免引起大眾誤會及加深對此病誤解。」

黃宗澤設局害陸永,安排一名患愛滋病嘅0靚模接近爛醉嘅陸永。
唔… 一覺醒來鏡頭交代陸永一夜激戰衣衫不整 再鏡頭一轉黃宗澤就話佢聽周刊將大肆報道呢單嘢,仲話該名model患有愛滋。
然後陸永就想一死了之。 家姐黃翠如苦求佢唔好做傻事
連醫生都未睇,未做測試,咁就判自己死刑? 然後…
跌正喺黃宗澤車頭

來源 source: http://s.nextmedia.com
鍾意就快D Share啦!