掃呢頁CODE去手機

2016年12月16日 星期五

【溫哥華直擊】最新!準人妻岑麗香紅衣巨鑽開記招 好甜呀! __,岑麗香,

現年32歲的岑麗香,本月初在Instagram宣佈與拍拖一年多的男友強強(Joshua)在加拿大溫哥華結婚,踏上人生另一個階段。婚禮將於加拿大時間17號、即香港時間18號舉行。當地時間15號下午3時25分左右、即香港時間今早七時半左右,香香現身一間日本餐廳舉行記者會,交代婚禮細節。身穿紅噹噹大褸嘅香香十足十聖誕老人咁,左手無名指戴巨型鑽戒。強強就未有現身。笑容滿面嘅香香由經理人同助手陪同到場,笑言 ...


現年32歲的岑麗香,本月初在Instagram宣佈與拍拖一年多的男友強強(Joshua)在加拿大溫哥華結婚,踏上人生另一個階段。婚禮將於加拿大時間17號、即香港時間18號舉行。當地時間15號下午3時25分左右、即香港時間今早七時半左右,香香現身一間日本餐廳舉行記者會,交代婚禮細節。身穿紅噹噹大褸嘅香香十足十聖誕老人咁,左手無名指戴巨型鑽戒。強強就未有現身。笑容滿面嘅香香由經理人同助手陪同到場,笑言:「好開心呀見到你哋(傳媒)!」未見親友現身?佢就話:「呢啲唔講住喇!」強強呢?「呢啲咁public嘅嘢,強強唔係artist,唔叫佢嚟喇。」今次香香加國結婚,無綫做埋「保母」,負責安排香港傳媒採訪,亦有派員到當地直擊婚禮,儼如嫁女一樣。香香話後日嘅婚禮籌備得七七八八,依家心情好開心,難掩興奮,問佢講多啲?佢竟然話:「我唔係好想講喎。」講笑啫。香香話好感謝咁多傳媒朋友飛過去見證佢哋婚禮,又特別感謝加國親友嘅祝福:「我哋keep咗呢個秘密好耐,想多啲私人空間,當然屋企人係知道嘅。」但因為佢人在香港,婚禮喺加國舉行,佢惟有上網搞,睇中咗啲咩如場地、花店就搵身在當地嘅強強代勞。

香香準備過馬路到餐廳見傳媒 左手無名指好閃呀 準人妻香香成個聖誕女郎咁
好驚香香會甜親自己… 接受無綫主播鄭衍峰訪問 呢身打扮,好slim,當堂無晒孕味。
香香除咗過馬路嗰刻之外,其餘時間全程將左手收埋,唔俾戒指上鏡。 香港時間18號,即係後日,香香就會同拍拖年幾嘅強強步入教堂喇! (岑麗香IG圖片) 噚日香香已於網上開心share兩款婚紗相。(岑麗香IG圖片)

來源 source: http://s.nextmedia.com
鍾意就快D Share啦!