掃呢頁CODE去手機

2016年12月11日 星期日

【一早已經知姦情存在】李潤庭帶小三返屋企 被空姐老婆撞破 __,李潤庭,小三,

前新聞王子、無綫《東張》主持李潤庭因為趁空姐老婆Crystal離港,同小三Tiffany喺赤柱摸pat濕吻,之後再返其荃灣寓所偷情。事情曝光之後,發現小三Tiffany原來係人妻兼人母,四角關係錯綜複雜。形象插水嘅李潤庭前日返無綫照肺,再舉行記者會公開道歉。雖然李潤庭喺記者會上,6次強調「係我嘅錯」兼兩度鞠躬致歉,佢直言太太喺呢一刻選擇離婚,工作亦會暫停,不過「雙失」嘅李潤庭似乎得唔到大家嘅諒解, ...


前新聞王子、無綫《東張》主持李潤庭因為趁空姐老婆Crystal離港,同小三Tiffany喺赤柱摸pat濕吻,之後再返其荃灣寓所偷情。事情曝光之後,發現小三Tiffany原來係人妻兼人母,四角關係錯綜複雜。形象插水嘅李潤庭前日返無綫照肺,再舉行記者會公開道歉。雖然李潤庭喺記者會上,6次強調「係我嘅錯」兼兩度鞠躬致歉,佢直言太太喺呢一刻選擇離婚,工作亦會暫停,不過「雙失」嘅李潤庭似乎得唔到大家嘅諒解,覺得佢誠意欠奉,更加有人覺得佢照稿讀,並非發自真心。李潤庭一直聲稱太太係喺報道出前,先知道小三嘅存在,但係《蘋果》噚日收到讀者報料,直斥有人講大話,讀者話Crystal真係一早知道小三存在,喺記者會見到李潤庭一啲都冇悔意,懶係話一個人錯晒想博人同情,以為佢有膊頭,所以忍唔住幫朋友出頭!讀者話做空姐Crystal有一次臨時取消出勤,佢返屋企之後見到老公同Tiffany喺梳化攬住睇電視,無意中撞破呢段姦情。自此之後Crystal成日都好唔開心,喺好冇安全感嘅情況下,兩公婆成日嗌交。直到8月份,佢哋兩公婆返溫哥華出席朋友嘅婚禮,因為新娘子係空姐朋友,所以曾經做過空姐嘅小三Tiffany亦有出席,喺婚禮現場,李潤庭全程同Crystal冇乜交流,亦都冇同人介紹自己老婆,Crystal唯有呆坐玩手機。反而Tiffany有意冇意走去李潤庭傾偈,敬酒嗰陣仲專登碰杯,搞到Crystal好唔開心,兩公婆又再鬧交。其實身邊好多朋友都睇唔過眼,但係佢哋拍咗拖好多年,Crystal一直唔捨得離開,加上李潤庭又三番四次話會改,又叫老婆俾啲時間佢,結果好明顯係講一套做一套。讀者話好心痛Crystal有個咁嘅老公,希望佢會堅強面對和做啲理智嘅選擇。


來源 source: http://s.nextmedia.com
鍾意就快D Share啦!