強強揸車拖香香去歎茶，不過強強全程亦以「超安全車速」行駛，可能唔太熟路。
無綫女神岑麗香與金融才俊丈夫強強（Joshua）早前於加拿大結為夫婦，並於前日返港開始新婚生活。休息一天後，香香與強強昨午3時許結伴出動，由強強任司機，載老婆約朋友茶聚分享新婚喜悅，來自加拿大的強強明顯唔多熟路，除了開定導航，全程亦以「超安全車速」行駛，由將軍澳慢駛到深水灣，幸全程順利，安全抵步後更風度十足幫老婆開車門，被老公冧到暈的香香不停甜笑，兩人十指緊扣拖到實步入附近的高爾夫球會，與友人愉快歎茶談天。
練定歌去倒數
新婚的香香和強強幾乎全程寸步不離，連放東西上車都要拖到實一實，逗留約2小時後，兩人始偕友人步出，逐一抱抱告別後，強強又再度慢駛回家。記者致電香香，問到是否趕回家玩煮飯仔，她說：「唔煮要練定啲歌準備去倒數活動，我哋嗌外賣，仲要執定嘢呢。（飲下午飲茶有冇順便睇場地補擺喜酒？）冇呀！係啲溫哥華朋友嚟咗香港，大家食吓嘢傾吓偈啫！」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
