掃呢頁CODE去手機

2016年12月3日 星期六

【句句有骨】烈女袁詠儀撐同屆港姐梁小冰 狂寸陳法蓉:可能有記者佢會好啲! __,梁小冰,袁詠儀,陳法蓉,港姐,

陳法蓉同梁小冰因為一件外套而引發嘅「慧妍之亂」,梁小冰噚晚出席活動正式宣佈退出慧妍雅集(新聞連結: http://bit.ly/2ggiwkQ )更稱:「希望大家唔好怪我呢個反應,如果我見到佢,我驚會好似見到曱甴咁走開!」同小冰同屆參選嘅袁詠儀,今日同張智霖(Chilam)喺尖沙嘴出席活動,靚靚俾人追問呢次「慧妍之亂」,佢話有留意呢件事。靚靚力撐小冰話:「雖然我唔喺現場,但係以我所認識嘅小冰,如果 ...


陳法蓉同梁小冰因為一件外套而引發嘅「慧妍之亂」,梁小冰噚晚出席活動正式宣佈退出慧妍雅集(新聞連結: http://bit.ly/2ggiwkQ )更稱:「希望大家唔好怪我呢個反應,如果我見到佢,我驚會好似見到曱甴咁走開!」同小冰同屆參選嘅袁詠儀,今日同張智霖(Chilam)喺尖沙嘴出席活動,靚靚俾人追問呢次「慧妍之亂」,佢話有留意呢件事。靚靚力撐小冰話:「雖然我唔喺現場,但係以我所認識嘅小冰,如果唔係受到好大傷害,一定唔會有呢個反應,但我覺得佢唔使為咗呢件事去外地散心。」講到小冰話要退出慧妍,靚靚話:「我自己冇參加呢個人會,不過會百分百支持小冰嘅決定。」一齊接受訪問嘅Chilam,佢覺得港姐代表美貌與智慧,為咗維持港姐形象,作為旁觀者最好唔俾意見,點知靚靚聽完即刻推開Chilam,叫佢去做其他訪問,爭在未爆出「收聲!」兩個字。大家再追問佢係咪了解陳法蓉為人?佢話:「我喺工作上未遇到,生活圈子亦唔同。雖然對方喺大陸發展,但我少喺大陸發展,冇呢個機會同榮幸碰到佢!」連撞都冇撞過?靚靚話冇,再加一句:「可能有記者喺度佢會好啲!」靚靚仲話大家都覺得小冰小事化大,但係佢話:「我希望大家明白,小冰唔係一個用是非做新聞嘅人,作為朋友一定支持佢,希望佢她早日平伏心情。」

靚靚百分百支持小冰嘅決定。
靚靚同小冰係同屆港姐,所以感情當然比較深厚!

來源 source: http://s.nextmedia.com
鍾意就快D Share啦!