掃呢頁CODE去手機

2016年12月29日 星期四

【閃到盲】香香拖實強強返港甜蜜晒婚戒 __,香香,岑麗香,

香香同強強返到香港。無綫花旦岑麗香於18日於溫哥華與男友強強(Joshua),拉埋天窗,升呢成為人妻。香香早上八時與強強一起返港,香香手上戴着由強強設計的巨型鑽戒閃到爆,兩人步出機場全程十指緊扣,香香又不時小鳥依人挨向老公,甜蜜到爆。期間發生一段小插曲,兩人步出時引起一陣混亂,有旅客的行李車不慎被撞跌,強強盡顯風度上前幫忙,身旁的香香亦「夫唱婦隨」在旁協助。未去honeymoon香香與強強隨後接受 ...


香香同強強返到香港。

無綫花旦岑麗香於18日於溫哥華與男友強強(Joshua),拉埋天窗,升呢成為人妻。香香早上八時與強強一起返港,香香手上戴着由強強設計的巨型鑽戒閃到爆,兩人步出機場全程十指緊扣,香香又不時小鳥依人挨向老公,甜蜜到爆。期間發生一段小插曲,兩人步出時引起一陣混亂,有旅客的行李車不慎被撞跌,強強盡顯風度上前幫忙,身旁的香香亦「夫唱婦隨」在旁協助。

未去honey moon

香香與強強隨後接受傳媒訪問?問香香是否去了度蜜月?她說:「唔係,未去honey moon,因為好多海外親友嚟咗溫哥華同我哋慶祝,所以都要多啲陪佢哋。(幾時去度蜜月?)安排中。(去邊度蜜月?)真係未知,因為之前籌備婚禮好多嘢要做,我都係一個月前先返嚟幫手,所以依傢先開始諗。(幾時生BB?)未咁快,計劃返嚟做嘢先。好多人問我哋,我哋未有答案。」強強笑說:「諗下先,未有咁快手。」

計劃香港定居

問香香今次留港多久?她說:「耐㗎,都要準備二月開劇,希望開工前去吓旅行,二人世界先。」問到強強會逗留多久?他說:「幾個月。(嚟香港做嘢?)未諗到咁遠。」問到強強是否停工來港陪伴,香香說:「唔係,佢都有自己嘢做。」強強說:「呢度都可以開工嘅(會唔會喺香港定居?)會諗住喺度呀。」

必請王君馨

已經在溫哥華結婚擺酒的香香,被問到會否在港補擺喜酒?她說:「仲諗緊,有啲屋企人冇過嚟溫哥華,所以會同屋企人食飯慶祝,但擺酒就未知。(會唔會請王君馨?)一定會請王君馨,見佢攞奬好感動,佢都好想過嚟,佢戥我哋開心,我哋都戥佢開心,互相恭喜所以一定要一齊食飯。」

香香是否已習慣成為人妻?她說:「未呀。」香香又反問強強是否已習慣做人夫?他說:「未呀。」香香除夕將會到澳門出席倒數活動,她指是首次與強強一起過新年。

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!