掃呢頁CODE去手機

2016年12月9日 星期五

【獨家有相】《東張》李潤庭今日開記招 「小三」教瑜伽 老公係上市公司執董 __,李潤庭,小三,

喺有線過檔去無綫,加入余詠珊黨嘅前「新聞王子」李潤庭,本來前途一片光明,點知因為俾人影到背住空姐老婆Crystal同小三喺赤柱摸pat濕吻,跟住仲帶埋返屋企。被人鬧爆係賤男嘅李潤庭,0依家話等候空姐老婆發落,事業方面亦危在旦夕,今日將返無綫照肺,而帶佢由有線過檔無綫嘅余詠珊已經講明,或者有需要停工,但就話唔想處分。(新聞連結:http://bit.ly/2goiBoO)明午三時,李潤庭會開記招交代 ...


喺有線過檔去無綫,加入余詠珊黨嘅前「新聞王子」李潤庭,本來前途一片光明,點知因為俾人影到背住空姐老婆Crystal同小三喺赤柱摸pat濕吻,跟住仲帶埋返屋企。被人鬧爆係賤男嘅李潤庭,0依家話等候空姐老婆發落,事業方面亦危在旦夕,今日將返無綫照肺,而帶佢由有線過檔無綫嘅余詠珊已經講明,或者有需要停工,但就話唔想處分。(新聞連結:http://bit.ly/2goiBoO )明午三時,李潤庭會開記招交代。成件事最峰迴路轉,係呢位婚外情女主角Tiffany,原來唔單止係人妻,而且同Crystal一樣,都係空姐,仲係同一間航空公司,但已離職。據傳媒報道指,Tiffany老公,原來係上市公司一名姓何嘅執董,單係持股嘅市值已接近800萬。據知何生今年38歲。為人低調,但活躍股票市場,曾經係多間上市嘅董事,畢業於澳洲墨爾本著名學府莫納什大學(Monash University)會計學士。何生與家人同住元朗溱林,雖然佢業務繁忙,成日返大陸傾生意,但就好錫屋企人。令人感好奇的是,李潤庭就話太太Crystal一早知佢有婚外情,但何生又知唔知太太同李潤庭一齊呢?之前有兩位網民分別留言話,喺元朗見過Tiffany同李潤庭一齊,狀甚親熱,令佢哋以為Tiffany先係正印……講番Tiffany。有指李潤庭同佢相識咗超過10年,而李潤庭同太太拍拖五年、結婚五年,啱啱10年,似乎李潤庭識Tiffany在先。《蘋果》噚日仲收到讀者報料,話Tiffany喺2011年結婚,再喺2012年同2014分別生咗一女一男,三年抱兩。讀者仲話呢位Tiffany眼角非常之高,當年由溫哥華回流返香港,係因為考到空姐,之後更加「目中無人」云云。讀者報料都有提到Tiffany老公,話佢神秘得嚟好有米,只知對方經常喺大陸做生意,唔多鍾意social,朋友圈中唔係好多人見過,只係喺fb見到Tiffany同埋佢老公嘅相,仲話當年佢哋結婚,都冇大排筵席請飲。講到Tiffany同李潤庭嘅關係,讀者就話喺朋友圈唔識李潤庭呢個人,但係呢件事曝光咗之後,Tiffany已經block晒fb同ig啲相。呢位讀者仲透露,Tiffany近排仲考到瑜伽教練牌,之前都有擺相上網。睇嚟Tiffany即使有個有米老公一樣自力更生,只係感情生活就複雜咗啲…

「新聞王子」李潤庭,本來前途一片光明 小三Tiffany原來啱啱考到瑜伽教練牌 而小三Tiffany嘅老公原來大有來頭,係上市公司一名姓何嘅執董,單係持股嘅市值已接近800萬。
小三Tiffany婚後仲生咗一女一仔

來源 source: http://s.nextmedia.com
鍾意就快D Share啦!