網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年12月24日 星期六

【打擊假和尚】翁靜晶稱遭死亡恐嚇:等我入大陸時就會落手 __,翁靜晶,中國,大陸,

翁靜晶化身洋妞打假。(新增翁靜晶回應)網民睇「佛門警訊」fb群組裡面翁靜晶如何撕破假和尚面具特別係睇到嗰啲假和尚惱羞成怒落荒而逃個樣,加令人拍手稱快。有時翁靜晶仲會扮鬼扮馬,甚至笠個假髮扮「鬼妹」放蛇,膽色過人,更成功施壓令警方需正視問題。翁靜晶「野生捕獲」嘅假和尚,大多來自某個「鄰近經濟強國」,據翁了解,佢哋都係以旅遊簽證來港,且有一班來自湖北嘅人,喺浙江「受訓」後,再去東南亞扮和尚搵食。報道稱 ...


翁靜晶化身洋妞打假。

(新增翁靜晶回應)網民睇「佛門警訊」fb群組裡面翁靜晶如何撕破假和尚面具特別係睇到嗰啲假和尚惱羞成怒落荒而逃個樣,加令人拍手稱快。有時翁靜晶仲會扮鬼扮馬,甚至笠個假髮扮「鬼妹」放蛇,膽色過人,更成功施壓令警方需正視問題。翁靜晶「野生捕獲」嘅假和尚,大多來自某個「鄰近經濟強國」,據翁了解,佢哋都係以旅遊簽證來港,且有一班來自湖北嘅人,喺浙江「受訓」後,再去東南亞扮和尚搵食。報道稱,經過翁靜晶公開踢爆其「臨時演員」身份後,有部份假和尚被香港入境處blacklist、拒其再次入境。翁於訪問中透露,佛門中「有身份」之人亦找來中間人聯絡翁靜晶,表示知道翁已掌握佢哋嘅資料,希望翁不要舉報。翁靜晶透露有線人入過一啲微信圈,見有人稱如翁上大陸,將對其不利。翁於訪問中態度強硬,謂「夠膽就即管殺」,又稱如果佢有乜嘢事,其他人一定會資料揭發出嚟,更揚言「我做得呢件事就預咗死!」決不退縮。今日《蘋果》致電翁靜晶,她直認有人希望佢「收手」:「我哋有自己調查員同假和尚組織係有一啲聯繫,但詳細唔可以講。但佢哋當中係用文字寫咗,佢哋要『幹掉她』,『她』就係指翁靜晶,上面就係講翁靜晶點點點,點影響佢哋生計,咁佢哋就話要『幹掉她』。佢哋研究點幹掉我囉,計劃過程已經出咗嚟,等我入大陸時就會落手,可能有啲方法知我幾時過關嗰類知道後就會比較小心啦。(驚唔驚有危險?)係驚出咗事都冇人知係點解,現在你又知我又知,佢方法點都知,如果成功都唔會冇人追究。」


來源 source: http://s.nextmedia.com
鍾意就快D Share啦!