2016年12月10日 星期六

杜如風:入院駁十字韌帶 杜如風要重新學行路 __,杜如風,

今次要起碼半年先可以再跑步跳舞喇,好好養傷呀!「旅遊達人」杜如風(Helen)一向做嘢都好搏好勤力,咩都要做到100分,早前佢就喺日本拍攝節目時,做嘢做到暈倒街頭,仲話拍旅遊節目真係好辛苦!今日佢又突然喺社交網站上載咗張瞓喺醫院病床嘅相,仲留言:「大家都知道我不嬲拍野(嘢)都博(搏)晒命、去到盡,又唔肯用替身!今次第一次用替身,就竟然傷到要入廠做手術!其實係因為自己百厭得滯,成日追趕跑跳碰,結果斷 ...


今次要起碼半年先可以再跑步跳舞喇,好好養傷呀!

「旅遊達人」杜如風(Helen)一向做嘢都好搏好勤力,咩都要做到100分,早前佢就喺日本拍攝節目時,做嘢做到暈倒街頭,仲話拍旅遊節目真係好辛苦!

今日佢又突然喺社交網站上載咗張瞓喺醫院病床嘅相,仲留言:「大家都知道我不嬲拍野(嘢)都博(搏)晒命、去到盡,又唔肯用替身!今次第一次用替身,就竟然傷到要入廠做手術!其實係因為自己百厭得滯,成日追趕跑跳碰,結果斷咗條膝頭哥嘅十字韌帶,要做手術駁返(番)⋯我終於都入埋香港嘅醫院!!」但見佢喺張相都Show到個V字手勢,相信佢情況都穩定,希望佢多啲休息,唔好咁操勞。

東網亦聯絡上Helen,佢就話:「冇事!冇事!係扭傷膝頭哥嘅舊患,行路開始拐吓拐吓,所以就去睇骨科照X-ray同磁力共振,就發現十字韌帶斷咗,要做手術駁番。而半月板又磨損,不過手術都好成功,醫生話要大約2-3星期睇情況,同重新學行路,而跑步跳舞就要起碼半年。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...