掃呢頁CODE去手機

2016年12月20日 星期二

【咁大個電燈膽】萬綺雯重遇呂頌賢 尷尬合照邊個解圍? __,呂頌賢,萬綺雯,

舞台劇《我和春天有個約會》嘅演員楊怡、萬綺雯(蚊蚊)、梁琤、呂頌賢、朱慧敏、黃德斌同黎燕珊等,今日去到葵涌為《我》劇綵排。萬綺雯同呂頌賢喺91年曾經拍拖,問到蚊蚊會唔會尷尬,蚊蚊話:「之前都合作過一次,喺《法網群英》合作(套劇10年喺亞視播)。」在旁嘅楊怡幫蚊蚊回應:「o依家咩年代,仲點會尷尬。」對於若然呂頌賢飾演其男友,蚊蚊會否接受,蚊蚊話:「唔好問我啲假設性問題。」雖然口講唔尷尬,但叫到兩人合 ...




其他影片:>>






舞台劇《我和春天有個約會》嘅演員楊怡、萬綺雯(蚊蚊)、梁琤、呂頌賢、朱慧敏、黃德斌同黎燕珊等,今日去到葵涌為《我》劇綵排。萬綺雯同呂頌賢喺91年曾經拍拖,問到蚊蚊會唔會尷尬,蚊蚊話:「之前都合作過一次,喺《法網群英》合作(套劇10年喺亞視播)。」在旁嘅楊怡幫蚊蚊回應:「o依家咩年代,仲點會尷尬。」對於若然呂頌賢飾演其男友,蚊蚊會否接受,蚊蚊話:「唔好問我啲假設性問題。」雖然口講唔尷尬,但叫到兩人合照,蚊蚊就話要拉埋楊怡,呂頌賢就話「唔好搞我有家室㗎嘞!」最終楊怡企喺兩人中間尷尬合照。楊怡同蚊蚊首次合作就好投契,楊怡話:「我哋有姊妹情,今次合作大家熟咗。」楊怡今次係第一次參與舞台劇演出,緊張到連綵排都唔記得對白,佢話:「越熟越發台瘟,即刻打自己要記住,自己要做筆記執生。」萬綺雯就讚楊怡叻女,蚊蚊話:「佢排一個禮拜已經唔使睇劇本。」講到噚晚郭晉安失落視帝,網民鬧爆,楊怡話:「我入行以來第一次冇參加台慶,但都感受到氣氛,得唔到獎嘅出年再努力,其實大家都好努力,安仔一定唔會介意。」蚊蚊就話:「安仔都係平常心,佢都攞過三次。」另外,有份演出嘅黎燕珊話,佢已經做咗4屆、共7年仁美清敍主席,今屆會退落嚟,俾其他師妹接棒,佢話:「自己太忙,亦冇預做咁耐,12月尾會投票選下任主席,希望薪火相傳,自己投邊個就唔講。」

曾經拍過拖嘅萬綺雯同呂頌賢因為舞台劇重遇,但合照要搵人一齊先肯影。(攝影:葉君海) 口講唔尷尬,但其實隔得好開。
先嚟張大合照,究竟邊個先係電燈膽呢? 開估!係同蚊蚊一拍即合嘅楊怡。
黎燕珊

來源 source: http://s.nextmedia.com
鍾意就快D Share啦!