網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年12月28日 星期三

【獨家有片】陪猷君見家長 CoCo見完霸氣四太嚇到拍心口定驚 __,猷君,梁安琪,四太,

現年21歲嘅賭王四房細仔猷君,讀書標青又靚仔,女友質同量自然有番咁上下。16歲已經首嚐初戀嘅佢,呢兩年換女友速度快過火箭,單單今年已經換咗3個,最新女友就係大佢4年嘅樂隊「少女標本」成員袁紫僑(CoCo)。處於熱戀期嘅猷君同CoCo,打得火熱,日前先俾《蘋果》影到深夜去一蘭食麵摸腳仔(新聞連結:http://bit.ly/2hYmFO9),隔兩日(20日)《蘋果》又見佢哋孖實去跑馬地正斗食粥麵,難 ...




其他影片:>>






現年21歲嘅賭王四房細仔猷君,讀書標青又靚仔,女友質同量自然有番咁上下。16歲已經首嚐初戀嘅佢,呢兩年換女友速度快過火箭,單單今年已經換咗3個,最新女友就係大佢4年嘅樂隊「少女標本」成員袁紫僑(CoCo)。處於熱戀期嘅猷君同CoCo,打得火熱,日前先俾《蘋果》影到深夜去一蘭食麵摸腳仔(新聞連結:http://bit.ly/2hYmFO9 ),隔兩日(20日)《蘋果》又見佢哋孖實去跑馬地正斗食粥麵,難得後生仔女食唐餐……原來,兩位小朋友係要遷就一位一位重要人物!當晚約9點,《蘋果》見到猷君同CoCo坐住七人車,喺正斗粥麵門外停低,着住全身純白one-piece裙加白色有踭鞋嘅CoCo,明顯悉心打扮過,反而猷君就只係T裇牛仔褲加白波鞋,比女友casual得多!食咗大約1個鐘,二人步出食店,而緊接出嚟嘅,就係猷君媽咪四太,同行仲有兩個女性友人。喺四太面前,CoCo猶如純純羔羊,畢恭畢敬企到直一直,期間四太用凌厲眼神掃咗CoCo一下,口噏噏似訓話幾句,呢個時候,醒目猷君即為女友解圍,搭住媽咪膊頭,以半推式推媽咪行前。眾人行到猷君架七人車側邊,四太又再擰轉身同CoCo講嘢,愛莫能助嘅猷君,惟有緊張望實女友,擔心佢點應對媽咪!最後,霸氣四太終於同友人離開,CoCo就一直keep住揮手姿勢。「艱難」時刻終於「捱過」,本身繃緊嘅CoCo,不期然「呼」咗一啖氣,右手拍咗幾下心口定驚。見完家長,猷君就帶CoCo去數碼港睇《死亡筆記:照亮新世紀》睇戲輕鬆吓。而記者聽到二人喺戲院以普通話交談。到半夜,二人就拖住手上車,七人車直駛到南灣一豪宅屋苑,至深夜仍未外出!早喺11月初,猷君同CoCo啱啱撻着嗰陣,四太曾經講過:「邊個CoCo?我識好多個CoCo,四哥(謝賢)都有個CoCo,我識個小朋友都叫CoCo。後生仔拍拖係應該,始終係一個過程,佢(猷君)未帶俾我見,咁佢每個女朋友我都見過。佢哋(仔女)識咗啲朋友都會帶俾我哋見,喺適當嘅時候會見面。」(新聞連結:http://bit.ly/2ij5KTd )話口未完,猷君就趁聖誕佳節,製造見家長機會俾女友CoCo,唔知四太又對猷君呢位女友印象點呢?

(攝影:孔志豪、畢紹基) 日前(20日)晚上9點,猷君拖實CoCo到跑馬地正斗,原來要見重要人物! 呢位重要人物之唔人係猷君媽咪四太囉!
四太原本打算同CoCo講幾句,結果俾猷君推住行。 猷君同CoCo未上車前,四太同猷君傾咗幾句。 唔知同媽咪傾啲乜,猷君突然好大動作!
四太忽然望實CoCo……心…都離一離! CoCo一路揮手一路目送伯母離開,好乖巧! 轉過身,即刻呼咗啖氣……拍吓個心口仔定驚!
真係拍咗好多吓! 連猷君都忍唔住笑咗! 全身放鬆嘅CoCo,唔覺意連個肚腩仔都走咗出嚟!
都真係好凸吓! 睇完戲出嚟,個肚腩仔繼續跟實主人。 仲跟埋上車!

來源 source: http://s.nextmedia.com
鍾意就快D Share啦!