掃呢頁CODE去手機

2016年12月27日 星期二

【獨家】拖兩子一心三用玩轉嘉年華 栢芝撳住電話陪囝玩再同fans自拍 __,栢芝,張栢芝,

呢排放聖誕假,好多家長都會乘機帶小朋友去玩,繼日前有劉太甘比(陳凱韻)囡囡秀樺獲姨媽同婆婆帶去中環友邦歐陸嘉年華玩飛天韆鞦(新聞連結:http://bit.ly/2ivywEn)後,噚日輪到張栢芝帶兩個寶貝仔謝振軒(Lucas)同謝振南(Quintus)去玩。《蘋果》讀者馮小姐報料指,噚日下晝5點幾見到栢芝同兩個仔現身嘉年華,其後本報記者發現除咗栢之一家三口之外,同行嘅仲有一大一細嘅親友,另加一位 ...




其他影片:>>






呢排放聖誕假,好多家長都會乘機帶小朋友去玩,繼日前有劉太甘比(陳凱韻)囡囡秀樺獲姨媽同婆婆帶去中環友邦歐陸嘉年華玩飛天韆鞦(新聞連結: http://bit.ly/2ivywEn )後,噚日輪到張栢芝帶兩個寶貝仔謝振軒(Lucas)同謝振南(Quintus)去玩。《蘋果》讀者馮小姐報料指,噚日下晝5點幾見到栢芝同兩個仔現身嘉年華,其後本報記者發現除咗栢之一家三口之外,同行嘅仲有一大一細嘅親友,另加一位疑似係外傭姐姐,大會安排咗至少3名工作人員幫栢芝一行人護航,場面都幾大陣仗。栢芝一行人幾人唔使排隊,去到邊玩到邊,工作人員已經安排好晒,佢哋一埋攤位就有得玩咁滯。可能Lucas同Quintus年紀細,所以佢哋都冇玩啲太刺激嘅機動遊戲,主力攻攤位遊戲,而Lucas同Quintus亦對拋呼拉圈贏禮物之類嘅遊戲特別有興趣,兩兄弟都玩得好叻,贏咗好多獎。同行嘅哥哥亦有一齊玩,見栢芝不時教佢哋玩,畀晒意見咁。每次囝囝贏到獎,喺隔籬嘅栢芝表現興奮,尖叫又舉晒手嗌Yeah!有時佢會輕輕錫啖阿仔額頭,又會擊掌咁。栢芝喺陪囝囝玩嗰陣,不斷有途人搵佢合照集郵,兩個鐘內至少有50人以上,但栢芝來者不拒,唔單止使出「港女十式」包括V手同單眼,有時佢仲幫手揸機自拍,而好多同佢影完相嘅途人都大讚栢芝真人好nice。更犀利嘅係,栢芝喺嘉年華其間,一直冇停過撳電話,有時佢要聽voice message,有時要打字覆人,同時又要兼顧途人合照要求,但當兩個仔一叫佢,佢又即刻堆滿一臉笑容嚟應個仔,真係一心三用嘅完美示範。栢芝全程除咗買嘢食外,似乎都冇用過錢,一行人買完嘢食後行咗去一個有梳化坐嘅地方食嘢醫肚,其間栢芝再度充當攝影師,不停影相,心情靚到爆炸!

(採訪、攝影:徐錦池、吳耀輝、孔志豪) 噚日張栢芝帶兩個寶貝仔Lucas同Quintus去嘉年華玩 栢芝教晒路
栢芝仲影晒紀念品 仲買嘢畀Lucas同Quintus食
栢芝一邊撳電話,一邊陪囝玩
路人要求合照,栢芝都有求必應

來源 source: http://s.nextmedia.com
鍾意就快D Share啦!