網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年12月13日 星期二

【因一套漫畫】阿聰唔讓大肚Kay誓要振夫綱 __,Kay,謝安琪,

阿聰今次堅唔讓老婆呀!誓要振一振夫綱。藝人張繼聰同謝安琪(Kay)結婚9年,咁多年嚟都非常恩愛,最近仲懷上B女依家應該有7、8個月!Kay暫時放低事業為張家湊個好字,老公阿聰梗係錫到燶,即時變身「老婆奴」,老婆話乜就乜一啲都唔敢反抗。但呢段婚姻尋日開始出現「暗湧」,爆發「爭家產」事件!話說張繼聰因為要迎接B女出世,開始整理房間,搵到一套被男人奉為「神級漫畫」嘅《SlamDunk》出嚟,但Kay竟然 ...


阿聰今次堅唔讓老婆呀!誓要振一振夫綱。

藝人張繼聰同謝安琪(Kay)結婚9年,咁多年嚟都非常恩愛,最近仲懷上B女依家應該有7、8個月!Kay暫時放低事業為張家湊個好字,老公阿聰梗係錫到燶,即時變身「老婆奴」,老婆話乜就乜一啲都唔敢反抗。

但呢段婚姻尋日開始出現「暗湧」,爆發「爭家產」事件!話說張繼聰因為要迎接B女出世,開始整理房間,搵到一套被男人奉為「神級漫畫」嘅《Slam Dunk》出嚟,但Kay竟然話套漫畫係佢嘅,仲要話阿聰都唔睇,要送畀人,就係咁阿聰係fb爆seed,話今次絕對唔會讓老婆,直程天后都冇面畀,佢留言:「為咗迎接新成員嘅來臨,最近忙於準備房間。搵返(番)依套對我成長有奠定性影響嘅珍藏出嚟,好感動。誰知有人同我爭拗左(咗)好耐,振振有詞話係佢買嘅....果(嗰)一刻,我覺得佢好陌生好似一個強盜,我當年駛(使)幾多零用錢買呀大佬!?...我阿媽話要讓吓老婆....我話ok,反正我嘅姐(即)係佢嘅....點知佢話送俾(畀)人反正我唔睇........Come on ! 佢唔明白,到我地(哋)依種年紀,入樽已經唔係用嚟睇,係用嚟供奉....男人嘅青春同熱血係唔可以俾人,Never !! 依次真係天后都無面俾(畀)!我兜口兜面細細聲同佢講,套書我Keep硬!威呢!?

BTW , 套差唔多卅年嘅〈天空之城〉真係無得頂!不過唔敢打開,怕一打開就灰飛煙滅」

但Kay都不甘示弱,正正就喺阿聰呢個post度留言:「呢套入樽係我㗎!當年我細本同大本版各一套,擺喺床邊陪我好多年,咪見到入樽就以為係自己嘅,好冇呀」呢單「漫畫羅生門」事件,真係唔知邊個啱邊個錯喇!不過話時話,大肚婆唔激得,阿聰都係快啲諗計「拆」掂佢喇!

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!