掃呢頁CODE去手機

2016年12月14日 星期三

同阿聰傾掂數!Kay搵靚位「供奉」珍藏 __,Kay,謝安琪,

傾掂數就好啦!歌手謝安琪(Kay)與老公張繼聰為咗一套日本漫畫《男兒當入樽》而發生「口角」,仲搞到張繼聰事後嬲爆喺社交網站發文,話明明套漫畫係佢,但謝安琪又話係佢嘅,仲話要將漫畫送畀人,令張繼聰話絕不退讓!張繼聰接受東網電話訪問時話其實好小事,仲自爆「振夫綱」成功,令漫畫成功留低:「都係生活情趣,我揭示到年青夫妻嘅生活狀況,當然去到最後老婆都有聽我話畀我留番低,呢啲係青春回憶。唔銖睇佢斯斯文文,原 ...


傾掂數就好歌手謝安琪(Kay)與老公張繼聰為咗一套日本漫畫《男兒當入樽》而發生「口角」,仲搞到張繼聰事後嬲爆喺社交網站發文,話明明套漫畫係佢,但謝安琪又話係佢嘅,仲話要將漫畫送畀人,令張繼聰話絕不退讓!張繼聰接受東網電話訪問時話其實好小事,仲自爆「振夫綱」成功,令漫畫成功留低:「都係生活情趣,我揭示到年青夫妻嘅生活狀況,當然去到最後老婆都有聽我話畀我留番低,呢啲係青春回憶。唔銖睇佢斯斯文文,原 ...


傾掂數就好

歌手謝安琪(Kay)與老公張繼聰為咗一套日本漫畫《男兒當入樽》而發生「口角」,仲搞到張繼聰事後嬲爆喺社交網站發文,話明明套漫畫係佢,但謝安琪又話係佢嘅,仲話要將漫畫送畀人,令張繼聰話絕不退讓!

張繼聰接受東網電話訪問時話其實好小事,仲自爆「振夫綱」成功,令漫畫成功留低:「都係生活情趣,我揭示到年青夫妻嘅生活狀況,當然去到最後老婆都有聽我話畀我留番低,呢啲係青春回憶。唔銖睇佢斯斯文文,原來都係入樽粉絲,大家又再認識深咗,之後可以一齊討論劇情。多謝大家,繼續熱血,繼續青春!」

想得生活簡約啲

至於成為輸家嘅謝安琪,話依家套漫畫真正主人係邊個都未知,佢又話其實原本想漫畫送畀朋友,但冇諗過張繼聰咁大反應,依家佢會好好搵個位將套漫畫放喺當眼地方好好「供奉」:「我覺得生活應該簡約啲,愈少身外物愈舒服,咁迎接一個小生命想培養佢環保生活態度,我就以身作則,將一啲有紀念價值嘅嘢都割愛轉贈畀他人。我覺得《男》係我自己嘅珍藏,想送畀一啲好鍾意漫畫嘅朋友,咁唔係淨係呢套仲有好多套,咁個朋友都好開心。點知張先生放工返嚟,就見到箱漫畫大為驚訝,郁動佢年青時嘅激情,咁要寫個Post嚟抒發!」

謝安琪又話有兩個點好好笑,佢話:「第一係爭論套漫畫係邊個,因為我哋都有呢套漫畫,結咗婚之後唔知點解得一套,佢順理成章唔會覺得呢套係我嫁過嚟,奇又奇好多漫畫書都有好多我嘅珍藏,所以覺得係我囉,但當中又混入佢嘅珍藏,真係好奇怪!第二係佢覺得我唔睇,都好要好好搵個位供奉佢,我覺得轉贈畀他人仲好啦,我又冇話要佢就我。依家套漫畫仲喺度,其實我係諗住第時要擺兒童書,所以清咁啲書,依家張先生覺得咁緊要,我要搵個當眼同好隆重嘅位置擺呢一套漫畫!」

勁耐冇出街

另外,謝安琪話依家大肚後,張繼聰好錫佢,一收工就返屋企冇娛樂,連謝安琪都都好耐冇出街:「咁我覺得我大咗肚之後都好好嘅,佢平日冇消遣活動,都好悶蛋,佢除咗打籃球都冇乜地方去,一放工就返嚟照顧我同仔仔其實都幾好。另外,我都休息緊都冇乜脾氣,心情好輕鬆,係屋企布置吓BB房,執下積儲咗好耐嘅漫畫書同小說,呢啲工作我都好享受。依家我都係一個月出一兩次街,好耐冇出街,但好喜愛係屋企做嘢。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!