韓國年度盛事《MAMA音樂頒獎禮》今晚喺亞博館舉行，7點開場，但到依家仍有不少fans仍未入到場，期間有保安與歌迷發生推撞拉扯，兩歌迷受傷。有傷者稱事件與韓歌迷攜大型器材進場、與香港保安言語不通有關。19:41pm：現場有班韓國粉絲超激動，佢哋不停大叫，又試圖衝入場，保安即用大聲公要求佢哋唔好再推，及後佢哋才慢慢一個跟一個入會場。
其中一名受傷香港女歌迷事後向記者透露，事下時在樓下排隊，當時有一班韓國粉絲因為帶咗很多大型攝影器材，但啲韓國粉絲就唔肯放下器材，所以同保安發生衝突，所以成班韓國粉絲就衝入場，後面粉絲見大家都衝入去，自然跟住一齊衝。現場所見韓國fans表現激動，但現場保安因不懂韓文，所以越見混亂，期間香港嘅保安亦不時勸粉絲唔好再衝。
另有工作人員表示，上面係7pm一開騷就放行唔check bag，下面就嚴啲，結果弄致如此混亂。19:39pm：有粉絲高舉門票，又用韓文表示要退票，同時粉絲又走到門口要求大會畀佢哋入場，所有粉絲都舉住飛，慢慢行入去場。19:30pm：現場仍有大批歌迷仍未能入場，現場有保安推觀眾去欄杆撞到，fans亦有推，雙方拉据期間發生碰撞。有警察到場了解，亦有工作人員傷到腳及頭，喺現場接受醫護人員治理。19:02PM：《MAMA》頒獎禮原定今晚7時舉行，不過因為現場就安排入場觀眾要check bag，所以有一班心急嘅粉絲就即唔理三七廿一就即想衝破欄杆，照想衝入場，仲衝跌晒啲枱，令現場好混亂。而現場保安人士就不停叫觀眾離開唔好再衝，並立即關咗入場到門。大約個幾分鐘後，等啲觀眾肯乖乖排隊，工作人員先再安檢後讓觀眾進場。
| 攝影：梁展雯 | | |
| | | |
| | | |
| | | |
| | | |
| | | |
| | | |
| | | |
| | |
|
鍾意就快D Share啦！
|
|
|