掃呢頁CODE去手機

2016年12月17日 星期六

岑麗香Sweet晒巨鑽 預告童話婚禮 __,岑麗香,

香香繼續保護未婚夫強強,昨晨獨自會見傳媒分享待嫁心情。
岑麗香Sweet晒巨鑽預告童話婚禮無綫小花岑麗香將於加拿大披嫁衣,待嫁姑娘自然甜到漏!香香昨晨在溫哥華會見記者時全程難掩喜悅,頻頻笑到現「腰果眼」外,又不經意大晒巨型鑽石婚戒,並以「佢都唔係圈中人」為由,選擇獨自現身見傳媒,「嚴禁」未婚夫強強曝光受騷擾,相當體貼。香香預告婚禮充滿童話氣息,而她婚後會繼續為事業打拼,暫時未有生育計劃。香香繼續保護未婚夫強強,昨晨獨自會見傳媒分享待嫁心情。岑麗香上月突 ...


岑麗香Sweet晒巨鑽 預告童話婚禮

無綫小花岑麗香將於加拿大披嫁衣,待嫁姑娘自然甜到漏!香香昨晨在溫哥華會見記者時全程難掩喜悅,頻頻笑到現「腰果眼」外,又不經意大晒巨型鑽石婚戒,並以「佢都唔係圈中人」為由,選擇獨自現身見傳媒,「嚴禁」未婚夫強強曝光受騷擾,相當體貼。香香預告婚禮充滿童話氣息,而她婚後會繼續為事業打拼,暫時未有生育計劃。

岑麗香上月突傳婚訊,隨即向無綫請假飛返加拿大籌辦婚事,定於香港時間18日與未婚夫強強拉埋天窗,正式升呢做人妻!香香昨晨在加拿大見記者時神采飛揚,左手無名指戴上的巨型鑽戒極為搶鏡,問到為何獨自現身?她說:「唔好喇!佢(強強)又唔係Artist,唔好畀佢去咁Public嘅Event(公開場合)!」

對於婚禮細節及賓客人數,香香不欲多談,但據悉她將於外形似足古堡的溫哥華市中心四星級酒店Fairmont Hotel行禮,相信婚禮現場既浪漫又不失氣派,而其「處女黨」好姊妹鍾嘉欣、李亞男及苟芸慧等都會到賀,見證好友人生最重要一刻,而婚禮只會宴請一對新人的親朋戚友,香香透露:「(婚禮)充滿童話氣息,佢(強強)都好有童心,會以手拖手嘅Gummy Bear做主題,總之人人有糖食」

婚後返港搏殺

香香表示婚期原來大有玄機:「好多朋友都有小朋友,如果喺暑假搞,佢哋要照顧小朋友未必得閒,所以就揀聖誕節。我同強強都喺溫哥華長大,親戚同朋友主要喺呢度,結婚都想同大家分享喜悅,所以喺呢度搞最齊人!」即將成為人妻的她坦言非常期待婚禮:「雖然好忙,但好興奮!(婚後同強強仍然分隔兩地?)希望唔會,依家Plan緊,不過點都會返香港先,我會繼續拍戲嘅。(計劃生B?)將來都會,依家想二人世界先。(幾時?)暫時唔講。」又透露婚後會稍作休息去度蜜月。

待嫁的香香不經意晒鑽石耳環及巨型鑽戒,閃到呢!
  • 待嫁的香香不經意晒鑽石耳環及巨型鑽戒,閃到呢!

讚未婚夫「六好」

問到求婚過程,香香同樣三緘其口,但大讚強強的求婚方法很適合她:「我比較鍾意簡單,太隆重反而會嚇親。(立即答應佢?)都正常,我覺得我哋都比較直接,同埋強強唔止係我嘅未婚夫啦,都係我Best friend。我覺得兩個人好肯定嘅時候,唔需要特登玩遊戲嗰啲,去到呢樣嘢我覺得係就係,唔係就唔係,咁好彩今次係」她激讚強強絕對是可以託付終生的好男人,而且人品好:「佢好錫屋企人,唔止佢身邊嘅人,佢對所有人都好好!佢做嘅所有嘢都希望做到一個好榜樣,好值得被人認同。(佢對你好唔好呀?)好,好好,好好好!」認真Sweet爆!

文:影視組


鍾意就快D Share啦!