掃呢頁CODE去手機

2016年12月22日 星期四

【獨家】甘比好臂力!單手抱仲學 三代同堂食Tea仔女輪住撒嬌 __,甘比,

大劉劉鑾雄早前同拍拖14年嘅陳凱韻(甘比)低調結婚,得大劉賜予「劉太」名份嘅甘比,縱使身家暴漲過百億,但做慣全職媽咪嘅甘比,每日依舊如常湊仔女返放學!(新聞連結:http://bit.ly/2hUiFhT)劉太甘比噚日冬至又出動,下晝約3點15分,甘比同一對仔女秀樺同仲學、連婆婆同兩個保鑣,分乘兩架車「1LOVEU2」同「1MISSU」,到銅鑼灣利園商場行街。估計開始放學校聖誕假期嘅秀樺同仲學,喺 ...




其他影片:>>






大劉劉鑾雄早前同拍拖14年嘅陳凱韻(甘比)低調結婚,得大劉賜予「劉太」名份嘅甘比,縱使身家暴漲過百億,但做慣全職媽咪嘅甘比,每日依舊如常湊仔女返放學!(新聞連結:http://bit.ly/2hUiFhT )劉太甘比噚日冬至又出動,下晝約3點15分,甘比同一對仔女秀樺同仲學、連婆婆同兩個保鑣,分乘兩架車「1LOVEU2」同「1MISSU」,到銅鑼灣利園商場行街。估計開始放學校聖誕假期嘅秀樺同仲學,喺商場紥紥跳開懷大笑,o氹到媽咪婆婆笑咪咪。行咗一輪,眾人再上二樓Cova嘆tea,全程未見大劉同行。食到大約4點45分,抱實細仔嘅甘比,一馬當先步出,拖住秀樺嘅婆婆殿後。喺商場行緊嗰陣,秀樺突然甩開婆婆手,追上前拖實媽咪,撒嬌扭抱,而抱住囝囝嘅甘比,見狀惟有單手抱仲學,再騰出另一隻手,安撫囡囡秀樺。一行人到商場門口等車時,甘比囡囡繼續扭抱,最後甘比終放低囝囝仲學,低身主動抱囡。現場所見,抱住8歲囡囡嘅甘比,睇嚟有啲啲吃力,至於成功扭抱嘅秀樺,即挨落媽咪身上,又將頭伏落媽咪頸上,盡情嗲暈媽咪!等咗大約10分鐘,眾人最後乘坐「1LOVEU2」離開!

攝影:徐錦池 噚日冬至,甘比三代同堂現身銅鑼灣利園行街兼嘆tea。 食完tea後,甘比就抱實囝囝仲學,本身俾婆婆拖實嘅秀樺,就扭媽咪計要抱抱。
婆婆想拖,不過秀樺似乎黐媽咪多啲! 而錫到仔女燶嘅甘比,惟有單手抱仲學,另一隻手就拖實秀樺。 落到商場地下,甘比就放低仲學。
喺等車期間,兩姊弟都好有耐性聽媽咪婆婆講嘢。 冇耐到婆婆忍唔住抱起仲學,呢個時候,秀樺就碌大隻眼望實媽咪…… 甘比俾秀樺箝實嘅,但依然一眼關七,幫囝囝整理外套!
敵唔過囡囡「軟功」嘅甘比,終於抱起秀樺,望望秀樺個笑容! 仲伏低撒嬌,嗲到媽咪暈得一陣陣! 大劉同甘比結婚後,二人試過孖實去睇新居地盤。(資料圖片)

來源 source: http://s.nextmedia.com
鍾意就快D Share啦!