| 呢個係現實中有米女友BoBo Tam | | |
處境劇《八時入席》，因為毛姐拍得無癮拒添食，播到下個月就玩完。劇入面幾得網友心嘅男神「威仁」李天翔，做咗廿年奸角，難得呢鋪做正派，網友buy！ 咁快收檔，嘥咗啲。
劇中佢女友係上司「雲飛飛」，現實中佢有個身家千萬嘅圈外女友BoBo撐住，所以唔使憂嘅李天翔，近排決心走人，唔再同大台續約。
李天翔喺大台踎咗廿年，人工由入行3千，到依家都係得萬零，點生活？
冇問題呀！據聞同佢拍咗五年拖嘅女友BoBo Tam屋企有米，BoBo唔使點做，主力炒賣物業。女友手揸紅磡工廈，十年以嚟抄賣過大大細細嘅樓，其中有兩層過千萬凱旋門、君匯港、一個轉手就套現千萬。
所以李天翔喺大台份糧幾奀唔緊要，一樣可以俾佢揸benz。雖然女友富貴，但李天翔有腰骨架，咁多年佢身兼幾職去搵錢，除咗登台，13年佢喺前度李思蓓開嗰間泰式按摩店做接待員，近年佢考埋健身教練牌搵食，講到底，男人都係想靠自己嘅。
幾年前李天翔拍《初五啟市錄》同樂瞳傳過緋聞，不過冇損有米女友對佢嘅信任，有傳當年係女追男，女友BoBo一早當佢係男神。李天翔果然有啲計！
來源 source: http://s.nextmedia.com
|
鍾意就快D Share啦！
|
|
|
