兩人都不約而同用咁嘅方式同大家過聖誕，邊個正啲先？
內地男星黃曉明近日在內地開工，老婆Angelababy（楊穎）大住個肚都去探班，令曉明沉醉於愛河中！不過，佢喺平安夜都冇忘記一班粉絲，唔使埋位開工時，曉明竟然「犧牲色相」，喺微博拍咗條短片送畀大家！
喺片中播緊聖誕歌，曉明就畫咗一個只係着住條紅底嘅聖誕大隻佬喺鼻上，咁啱個底褲位就正正喺曉明個鼻中間，而曉明就隨住音樂咁郁個鼻，佢留言：「這是一位來自關在橫店的男演員和一位猛男的祝福，工作之餘給生活也來點色彩（嗯，通常重點都在最後）。」唔少網友都以為重點係有Baby出場，但點知原來只係曉明叫大家多多支持Baby有演出嘅電影，令到唔少網友都大叫失望呀！
而咁啱得咁橋，台灣男星何潤東都做咗同一樣嘅嘢，不過佢嗰個唔係大隻佬，而係大肥佬，佢仲拎住隻蟹自拍，他留言：「左三圈，右三圈，屁股扭扭，快點一起來做運動～聖誕鼻子舞，你學會了嗎？今年聖誕老公公不騎麋鹿了，就騎大閘蟹送禮物！Merry Christmas，吼吼吼。」
來源 source: http://hk.on.cc
|
鍾意就快D Share啦！
|
|
|
