掃呢頁CODE去手機

2017年1月12日 星期四

馬天佑贏盡女人心 [壹週刊 - 1401] __,馬天佑,天佑,M1,

名人動態馬天佑贏盡女人心現年28歲的馬天佑,圈中人習慣稱呼他馬佑,是近年香港最快冒起的星級形象指導,合作過的藝人名人遍及中、港、台;何超蓮為他一句話,寧願跌損手、識於微時的阿Sa蔡卓妍對他百分百信任、內地天后范冰冰更欽點他改頭換面。14年在LondonCollegeofFashion畢業,以為含住金鎖匙的馬佑不愁錢,原來畢業後信用卡被停用,攞住萬多元的他,膽粗粗做老闆,短短四年,公司極速擴充,員工 ...


名人動態

馬天佑贏盡女人心

現年 28歲的馬天佑,圈中人習慣稱呼他馬佑,是近年香港最快冒起的星級形象指導,合作過的藝人名人遍及中、港、台;何超蓮為他一句話,寧願跌損手、識於微時的阿 Sa蔡卓妍對他百分百信任、內地天后范冰冰更欽點他改頭換面。

14年在 London College of Fashion畢業,以為含住金鎖匙的馬佑不愁錢,原來畢業後信用卡被停用,攞住萬多元的他,膽粗粗做老闆,短短四年,公司極速擴充,員工由三個增加到二十二個。

自己摸出一條路,不放過任何一個機會的馬佑說在每個合作過的人身上,都學到嘢。

何超蓮 為他跌損手

被何超蓮攬住的機會……方力申,楊政龍係咪好羨慕呢?

何超蓮平日愛著平底鞋, 13年為慈善相展,馬佑要求她著住五吋高踭鞋,在中環周圍行拍照,其實有十分難度。

知道馬佑愛唱歌,細心的何超蓮今年特登做了一個小金人馬佑坐在金咪蛋糕送給他, so sweet。

阿 Sa 義無反顧信任

馬佑推出自家品牌街頭衫,由於這個新衫系列跟友誼有關,他搵了老友阿 Sa合唱幫手宣傳。

唱片封套的紅髮造型,是馬佑心血來潮向老友要求,阿 Sa亦即時爽快配合。

阿 Sa 35歲生日,馬佑(右一)跟何超蓮、阿嬌都有出席慶祝。

拍新歌 MV,馬佑又有機會跟阿 Sa齊齊瞓街,親密到呢!

范冰冰 欽點大改造

馬佑替范冰冰設計的雜誌封面造型,背景噴白煙外,她的超巨袖上衣,是他託朋友由英國寄特快過來。

大學畢業被停卡

公司擴充地方不夠用,馬佑早前搬到同一幢大廈的較大單位,訪問當日,他會趁機跟同事研究他們手頭上的 project。

馬佑依從塔羅師意見,畢業後創業做老闆,開公司幫藝人名人做形象,成功打入娛圈,跟吳千語、阿 Sa,賭王三房千金何超蓮等成為好朋友;今年生日,超蓮更親手為他整蛋糕。

有人氣自然有生意,瓣數愈來愈多,再開第二間公司,負責製作、市場推廣以及推出自家設計品牌街頭衫「 SUGAR005」。

「我好好彩,好多機會飛埋嚟!所以我會用盡時間去把握,好多人以為我做 styling唔需要返 office,其實我有返工時間,每日要開好多會,唔係淨係借衫俾 artist著,有好多準備功夫要做。」馬佑說。

父親做生意和兩個哥哥做 ibank,大學畢業前馬佑收到通知,附屬卡將被停用,要開始自力更生,於是他攞住一萬蚊開檔。

「我當時係膽大心細,但都知道開始做呢樣嘢,大概會有啲咩 job。其實我計過數,如無意外,夠錢出糧俾同事。」

未正式打真軍,馬佑做暑期工已儲落唔少可以「幫到手」的人脈網,因為他先後做過英皇、東亞以及留在台灣三個月幫金牌大風執頭執尾斟茶遞水。

阿 Sa識於微時

識於微時的阿 Sa,找他做唱片《 Blooming》封套形象指導。

「大學一年班我喺英皇做暑期工,嗰時阿 Sa對我態度同而家一樣,冇因為我嚟做暑期工唔理我,係好真好真嘅人。之前同佢喺英國影唱片封套,當時啲歌未錄好,我哋只係諗好畫面,用薰衣草田同太陽花田做背景。

「喺一個咁特別嘅地方,我提議阿 Sa換新形象,將頭髮染大紅色,佢諗咗一陣就應承我;不過隔咗幾日,佢又將頭髮染番之前嘅顏色,原來佢要連戲。阿 Sa就係咁信任自己團隊,所以抵佢有今日。我喺佢身上學到好多,佢教識我好多嘢。」

吳雨霏被安排落水拍的唱片封套《 my january》,馬佑自覺好滿意,這令他想起同類事件:「唔開名,有人搵我借衫影封套,我發覺啲衫一定係浸過水,因為返到嚟成箸霉菜咁,我之後要自己賠錢。」

張惠妹的大碟《偏側面》封套,他大膽提出叫阿妹零化妝,結果平日鍾意艷妝的阿妹又即時答應。

超蓮跌倒大叫

一三年,第一次與何家千金何超蓮合作,也令馬佑看到富二代未被發掘的真實一面。

「當時係做慈善相展,第一個就影超蓮,我借咗全亞洲得一件嘅 Burberry trench coat,千叮萬囑佢唔好整污糟;影相嗰日佢著住一對好高嘅鞋,影影吓突然仆親,佢驚到大叫,但為咗唔整污糟件衫,佢用手撐住地下,件衫冇事,超蓮反而有少少擦傷。」馬佑說,對何超蓮的投入和責任心大開眼界。

馬佑同吳千語都是好朋友,二人經常被拍到食飯、放狗。

他曾經出歌《倒數三秒》,當時已請到天后鄭秀文做 MV女角,有五花大綁鏡頭外,更為他駁長髮。

范冰冰自動波配合

上位快,但機會只留給肯用心和準備充足的人。馬佑記得有次應邀飛北京幫一本雜誌為范冰冰造型,同日有八間傳媒在輪候,每間半個鐘,馬佑當場決定放棄原有的構思。

不過,當范冰冰看見他搜羅自不同國家的 props,即自動提出配合,多給他四個小時。

「嗰次時間好趕,之前我只有一星期做準備,但都盡量拜託朋友喺唔同地方寄 props俾我,范冰冰睇見啲 props,覺得好有興趣,仲主動改髮型同化妝配合;佢嘅反應,俾咗我好大鼓勵,做嘢最緊要有心,無論人哋接唔接受,自己 at least要有誠意,為人哋諗多一步,唔好驚蝕底。」馬佑說。

他被邀替 32屆金像獎海報做造形,他說周迅換好衫走出來一刻,已經係一場戲,氣場好唔同。

這幾年為藝人名人設計造型,愈來愈有人氣的馬佑亦躋身成為名人,跟他們替時裝品牌影宣傳相。

英國倫敦時尚學院畢業,不過做暑期工時,他已經開始接觸娛圈,為未來創業打好底。

外婆同舅父都是京劇演員,他說八歲時,臨時被拉去演出京劇:「做咗幾場戲,得一句對白,但係好深刻,覺得係做緊一個 art piece。」演出時,父母跟兩個哥哥到後台為他打氣。

撰文、攝影、攝錄:娛樂組


鍾意就快D Share啦!